-3.1 C
Dushanbe

Дидори пинҳонии Толибон бо Ҷабҳаи муқовимат дар Маскав

Ҳамзамон бо оғози “Гуфтугуҳои афғонӣ дар Осло” бо ҳузури Толибон ва кишварҳои Ғарб сарпарасти вазорати дифоъи Толибон барои мулоқот бо раҳбарони Ҷабҳаи Муқовимати миллии Афғонистон ба Русия рафтааст.

Пойгоҳи иттилоърасонии “Афғон-Интернешнал” бо такя ба манобеъи худ хабар медиҳад, ки Аҳмад Масъуд, раҳбари Ҷабҳаи муқовимати миллӣ ва Амрулло Солеҳ, муъовини раисҷумҳури пешини Афғонистон барои гуфтугӯ бо мақомҳои аршади Толибон ба дидори мулло Бардар, муъовини Раисулвузаро ва мулло Яъқуб, сарпарасти Вазорати дифоъи Толибон ба Русия сафар кардаанд.

Раҳматуллоҳ Набил, собиқ раиси Амнияти миллми Афғонистон дар Твитер гуфт, мулло Бародар ва мулло Яқуб махфиёна ба Русия сафар кардаанд.

Ҳамзамон чанд манбаъи наздик ба Аҳмади Масъуд сафари раҳбари Ҷабҳаи муқовимат ба Русияро таъйид карданд, вале дар бораи ҷузъиёти ин дидор ҳанӯз ҳеҷ яке аз тарфҳо изҳори назар накардааст.

Ҳафтаи пеш ҳайате аз Ҷабҳаи муқовимат бо сарпарасти Вазорати умури хориҷии Толибон Амрихони Муттақӣ дар Теҳрон дидор доштанд ва огоҳони умур мегӯянд, ин мулоқоти Маскав идомаи музокироти Теҳрон мебошад.

Ба қавли “Афғон-Интернешнал”, Аҳмад Масъуд, раҳбари Ҷабҳаи муқовимати миллии Афғонистон ва Амрулло Солеҳ, муъовини раисҷумҳури пешини Афғонистон аз Тоҷикистон ба Русия парвоз кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.