26.9 C
Dushanbe

Дидори вазирони хориҷаи Эрон ва Қирғизистон дар Бишкек

Вазири умури хориҷаи Эрон дар мулоқот бо ҳамтои Қирғизистонияш дар Бишкек бар густариши муносиботи дуҷониба таъкид намуд.

Бар асоси хабаргузории Форс вазири умури хориҷаи Эрон Муҳаммадҷаводи Зариф, ки дар дуввумин сафараш ба чаҳор кишвари Осиёи Марказӣ дар пойтахти Қирғизистон дар Бишкек ба сар мебарад, рӯзи сешанбе бо Руслан Каззокбоев вазири умури хориҷаи ин кишвар дидору гуфтугӯ кард.

Зариф дар дидор бо ҳамтои Қирғизистонияш ноамниву бесуботӣ дар Афгонистон ва густариши ифротгароӣ ва терроризмро таҳдидҳои муштарак дар минтақа хонд.

Вазири умури хориҷаи Эрон ҳамчунин дар ин дидор зимни ибрози хурсандӣ аз меҳмонавозии давлат ва мардуми ин кишвар қадрдони намуд ва баргузории муваффақиятомези интихоботи ахири Қирғизистонро табрик гуфт.

Зариф бо ишора ба равобити амиқ ва торихи фарҳангӣ ва тамадунии байни мардуми Эрону мардуми минтақаи Осиёи Марказӣ изофа кард:

Имкони баҳрабардори аз шароити минтақа барои густариши тавсеаи иқтисодӣ ва дастрасии Қирғизистон ба обҳои байналмилалӣ ва транзитӣ манофеи муштараки Теҳрон ва Бишкек аст.

Вазири умури хориҷаи Эрон дар чорчуби сафари минтақави вориди Бишкек шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.