35.9 C
Dushanbe

Деҳае дар Тоҷикистон беному нишон мондааст

Сурат: Ozodivideo

Дар ноҳияи Фархор деҳае на ном дорад на обу барқ. Сокинони ин деҳа гуфтанд, тӯли солҳост, ки дар ин ҷо зиндагӣ мекунанд, вале касе ба додашон намерасад. Масъулини ноҳияи Фархор гуфтаанд, ки ин мушкилии онҳоро бартараф карданиянд, вале якбора ҳал кардани ин мушкилот кори осон нест.

Ба навиштаи Радои Озодӣ, ин деҳа даҳ сол пеш баъд аз ҷудо гардидани замин аз ҷониби Ҳукумати ноҳяи Фархор бунёд гардидааст. Баъд аз он ки сокинон соҳиби замин гардиданд ба хонасозӣ дар ин минтақаи бе обу барқ оғоз кардаанд, умед доштаанд, ки баъди бунёди хонаҳо ҳукумат барояшон роҳи ҳамвор, барқ ва обро таъмин мекунад, вале то ҳол аз инҳо хабаре нест.

Дар ин деҳа, ки зиёда аз 40 хонавода зиндагонӣ мекунад, то ҳол мактаб нест. Ширин Эмомзода сокинини ин деҳаи бе ном ва бе барқу бе об ба “Озодӣ” гуфтааст, фарзандам, 7 километр роҳро тай карда ба мактаб меравад.

Дар идома гуфтааст:

“Кӯдаки ман синфи як мехонад, ҳафт километр мактаб меравад. Дирӯз як кӯдакро мошин зад, мурд, кӣ ҷавоб медиҳад? Назди раиси ҳукумат аз даҳ бор зиёд шикоят рафтем, чора намебинад.”

Ҳамчунин бархе аз сокинон аз набуди шароити зист аз ин маҳал ба дигар ҷой кӯчиданд. Бархеи дигар зербинои хонаҳояшонро бунёд кардаанд, вале интизори обу барқ ва бозсозии роҳ ҳастанд. Ба гуфтаи Сафаралӣ Раҷабов, раиси ин маҳалла чун обу барқ нест, аксари сокинон сохтмони манзили зисташонро ба охир нарасонидаанд.

Сурат: Ozodivideo

Гуфта мешавад, ки дар замони Шӯравӣ дар ин заминҳое, ки ҳоло сокинон хона бунёд кардаанд, гандум кишт мекарданд ва бо новаҳо обёрӣ мешудааст. Аммо баъди пош хӯрдани Шӯравӣ ва дар замони истиқлол як қисмати ин заминҳоро ба сокинон ҳамчун замини наздиҳавлигӣ барои сохтани хона тақсим карданд.

Рустам Раҳматзода, раиси ноҳияи Фархор гуфтааст, ҳалли мушкилии деҳот ба якборагӣ кори осон нест, онҳо талош мекунанд, ки деҳа обод шавад.

Дар Тоҷикистон солҳои 2019 ва 2020-ро соли “рушди деҳот” эълон карда буданд. Сокинон мегӯянд, дар гумон аст, бо ин аҳволе, ки доранд, деҳаашон ба рушд бирасад. Чунки чандин бор аст, ҳукумат ваъдаи ҳалли мушкилашонро дода, вале иҷро накардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.