Созмони даҳшатафкани ДИИШ масъулияти ҳамла ба Кирмони Эронро, ки дар ҳудуди сесад нафар кушта ва захмӣ барҷо гузошот, бар уҳда гирифт.
Бино ба иттилои расонаҳо, Созмони даҳшатафкани ДИИШ, бо нашри як иттилоия, масъулияти ҳамла ба зоирони қабри Қосим Сулаймонӣ, раҳбари нерӯҳои Қудси Сипоҳи посдорони Инқилоби исломии Эрон дар шаҳри Кирмонро бар уҳда гирифт.
Дар иттилоияи ДИИШ гуфта мешавад, ки ду нафар аз нерӯҳои он дар рафти баргузории иқдоме “ҳар куҷое онҳоро ёфтед, бикушед” бо гузаронидани амалиётҳои интиҳорӣ беш аз 300 нафар “рофизии мушрик”-ро кушта ва захмӣ карданд.
Пеш аз он мақомоти эронӣ ҳам гуфта буданд, ки ҳамлаи якум дар натиҷаи амалиёти интиҳорӣ будааст ва эҳтимол меравад, ҳамлаи дувум низ бар асари ҳамлаи интиҳорӣ анҷом ёфта бошад. Таҳқиқот дар ин хусус идома дорад.
Гуфта мешавад, асри 3-юуми янавари соли 2024 дар минтақаи Гулзори Кирмон, мақарри қабри Қосим Сулаймонӣ, собиқ раҳбари нерӯҳои Қудси Сипоҳи посдорони Инқилоби исломии Эрон ду таркиши пай дар пай сурат гирифт.
Тибқи охирин оморҳо, дар пайи ин таркишҳо 89 нафар кушта ва беш аз 280 нафари дигар захмӣ шудааст. Маросими баргузории ҷанозаи қурбониёни таркишҳои Кирмон имрӯз баргузор шуд. Аммо мақомоти эронӣ дар вақти хоксупорӣ рафтан ба қабристонҳоро танҳо ба оилаҳо ва наздикони қурбониён маҳдуд карданд.