32.9 C
Dushanbe

Дилровар Ҷӯраев аз боздошт раҳо шуд

Додгоҳи шаҳри Новосибирски Русия субҳи имрӯз 16-уми ноябр Диловар Ҷӯраев, як сокини ҷамоати Ворухро аз боздошт раҳо кард. Дар ин бора Додситони кулли Тоҷикистон хабар дод.

Ҷӯраев 8-уми ноябри имсол бо дархости мақомоти Қирғизистон аз ҷониби пулиси Русия бо иттиҳоми даст доштан дар ташкили бетартибиҳо дар нуқтаҳои марзии номуайяншуда байни ноҳияи Исфараи Тоҷикистон ва ноҳияи Боткани Қирғизистон боздошт шуда буд.

“Шаҳрванди Ҷумҳурии Тоҷикистон Ҷураев Диловар Бобомахкамович, 23.05.1969 соли таваллудаш, ки 8 ноябри соли 2021 дар ҳудуди шаҳри Новосибирски Федератсияи Русия бо дархости истирдодии мақомоти ҳифзи ҳуқуқи Ҷумҳурии Қирғизистон барои гӯё ташкил намудани бетартибиҳои оммавӣ ва авбошӣ дар ҳудуди наздисарҳадӣ ва делимитатсия ношудаи байни ноҳияи Исфараи вилояти Суғди Ҷумҳурии Тоҷикистон ва ноҳияи Боткани Ҷумҳурии Қирғизистон дастгир шуда буд, бо дархости Прокуратураи генералии Ҷумҳурии Тоҷикистон аз ҳабс озод карда шуд.”омадааст дар хабари Додситони кул.

Рӯзи 12-уми ноябр Додситони кулли Тоҷикистон расман ба боздошти Диловар Ҷӯраев вокуниш кард ва боздошти ӯро дорои “ангезаи сиёсӣ” номид. Инчунин аз мақомоти Русия хост ӯро раҳо кунанд.

Ҳамзамон Додситони кулли Тоҷикистон навишт, ки ба Додситони кулли Ҷумҳурии Қирғизистон нома ирсол карда, аз онҳо хостааст, ки ба таҷрибаи оғоз кардани парвандаҳои беасоси ҷиноятӣ вобаста ба бетартибиҳои оммавӣ дар хатти сарҳад нисбати шаҳрвандони Тоҷикистон хотима бахшанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.