Тамоми кормандони сафорати Озарбойҷон дар Теҳрон ба Боку рафтанд, вале консулгарии ин кишвар дар Табрез ба кори худ идома медиҳад.
Мақомоти ҷумҳурии исломӣ ин ҳамларо дорои “ангезаи шахсӣ”, вале раиси ҷумҳури Озарбойҷон онро “ҳамлаи террористӣ” хонд ва аз дипломатҳои кишвараш дар Теҳрон хост, ки ба ватан баргарданд. Ҳамла ба сафорати Озарбойҷон дар Теҳрон бо мавҷе аз вокунишҳои дохилӣ, минтақавӣ ва байналмилалӣ низ ба ҳамроҳ буд. Аз Теҳрон то Боку ва аз Анкара то Маскаву Лондон ва Вошенгтон ҳама ин ҳамларо бо шеваҳои мухталиф маҳкум карданд. Гуфта мешавад, субҳи 27-уми январи соли ҷорӣ, соати 08:00 ба вақти Теҳрон ва 08:30 ба вақти Боку марде бо мошин омада дами дарвозаи сафорати Озарбойҷон дар шаҳри Теҳрон истод мешавад ва ин марди мусаллаҳ бо калашников вориди бино шуда ба кормандони сафорат ҳамла мекунад. Бар асари ин ҳамлаи мусаллаҳона сардори горди нирӯҳои муҳофизи сафорат Урҳон Аскаров кушта ва ду тани дигар аз ҳамкоронаш захмӣ шудаанд.
