33.9 C
Dushanbe

Ҳамла ба сафорати Озарбойҷон дар Теҳрон

Субҳи имрӯз бар асари як ҳамлаи мусаллаҳона ба сафорати Озарбойҷон дар пойтахти Эрон як нафар кушта ва ду каси дигар захмӣ шуд.

Бино ба иттилои хабаргузории расмии Ҷумҳурии исломии Эрон “Ирно”, субҳи имрӯз, 27-уми январи соли 2023 як фарди мусаллаҳ бо автомати “Калашников” вориди бинои сафорати Ҷумҳурии Озарбойҷон дар Теҳрон шуда, ба кормандони он ҳамла кардааст.

Дар наворҳое, ки аз ин ҳодиса ба расонаҳо ва шабакаҳои иҷтимоӣ роҳ ёфтааст, нишон дода мешавад, ки марди ҳамлакунанда бо ворид шудан аз дарвоза ба самти кормандон оташ мекушояд. Ду нафар аз маҳҳали ҳодиса фирор кардан мехоҳанд, вале ҳамлакунанда онҳоро дунбол карда ба рӯяшон тир холӣ мекунад. Дар ҳамин ҳол як тан аз посбонҳои сафорат дасти холӣ ба самти вай медавад ва мехоҳад силоҳро аз дасташ бигирад, вале муваффақ намешавад.

Ба қавли ББС, Президенти Озарбойҷон, Илҳом Алиев, ҳамла ба сафорати кишвараш дар Теҳронро як амали “террористӣ” хонда ва ба шиддат онро маҳкум кардааст. Ӯ гуфта: “Мо хостори фавран ба ҳодиса расидагӣ ва муҷозоти террористҳо ҳастем.

Гуфта мешавад, дар пайи ҳодисаи мазкур Вазорати корҳои хориҷии Озарбойҷон сафири Эрон дар кишварашро эҳзор кардааст.

Носир Канъонӣ, сухангӯи Вазорати корҳои хориҷии Эрон ин ҳамларо маҳкум карда, ба хонавода ва мардуми Озарбойҷон изҳори ҳамдардӣ кардааст. Ба гуфтаи Канъонӣ, “натиҷаи баррасиҳои аввалия ва дастгоҳҳои зирабт ҳокӣ аз ангезаи шахсӣ дар пушти ин иқдом аст. Ба ин хотир, бо таваҷҷуҳ ба вуруди фаврии дастгоҳҳо ва ниҳодҳои зирабти интизомӣ, амниятӣ ва қазоӣ тавсия мегардад расонаҳо аз интишори ахбори ғайри мувассақ ва гумоназаниҳо дар ин робита иҷтиноб намоянд.”

Аз сӯи дигар Мавлуд Човушоғлу, Вазири корҳои хориҷии Туркия дар саҳфаи Теввитриаш бо маҳкум кардани ин ҳамла онро як амали “хоинона” арзёбӣ карда, гуфтааст: “Ба бародари шаҳидамон раҳмату мағфират, ба пайвандонаш ва мардуми Озарбойҷон тасаллият ва ба осебдидагон шифои ҳарчи зудтар таманно дорам. Озарбойҷон ҳеҷ гоҳ танҳо нест.” Инчунин Русия ҳам дар вокуниш ба ин ҳодиса гуфтааст, ки мо аз ҳамла ба сафорати Озарбойҷон дар Теҳрон “шок” шудем.

Эрон мегӯянд, ки марди ҳамлакунанда дар маҳалли ҳодиса боздошт шудааст ва тибқи эътирофоти ибтидоӣ, вай гуфтааст, ки ҳамсараш моҳи апрели соли ҷорӣ ба сафорати Озарбойҷон омада дигар ба хона барнагаштааст. Ба ин хотир аз пеш силоҳро омода карда, ба қасди бозпас гардондани ҳамсараш ба сафорат ҳамла кардааст.

Гуфта мешавад, субҳи имрӯз, соати 08:00 ба вақти Теҳрон ва 08:30 ба вақти Боку марде бо мошин омада дами дарвозаи сафорати Озарбойҷон дар шаҳри Теҳрон, пойтахти Эрон истод мешавад ва ин марди мусаллаҳ бо калашников вориди бино мешавад. Бар асари ин ҳамлаи мусаллаҳона сардори горди нирӯҳои муҳофизи сафорат Ризвоноғлу Аскаров кушта ва ду тани дигар аз ҳамкоронаш захмӣ шудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.