21.9 C
Dushanbe

Додгоҳ ҳукми Ғурбатиро низ бетағйир гузошт

Додгоҳи шаҳри Душанбе ҳукми 7,5 соли зиндони рӯзноманигори ҷавон Абдуллоҳ Ғурбатиро бетағйир гузоштааст. Дар ин бора наздикони ӯ ба “Asia-Plus” хабар додаанд.

Мурофиаи Абдуллоҳ Ғурбатӣ имрӯз, 16-уми декабр мисли мурофиаҳо гузашта дар Боздоштгоҳи муваққатии Душанбе пушти дарҳои баста, бо иштироки вакили дифоаш баргузор гардидааст. Аммо ба пайвандону наздиконаш иҷозаи иштирок дар мурофиаро надодаанд.

Яке аз наздикони ин рӯзноманигори зиндонӣ мегӯяд, ки вакили дифоъ далелҳои заруриро пешниҳод кардааст. Аммо додрас онро ба назар нагирифта, ҳукми 7,5 соли зиндони Додгоҳи ноҳияи Шоҳмунсурро нисбати Абдуллоҳ Ғурбатӣ бетағйир гузоштааст.

Пайвандони Абдуллоҳ Ғурбатӣ қасд доранд аз болои ҳукм ба зинаҳои болоии додгоҳӣ – назоратӣ ва баъдан ба Додгоҳи Олии Тоҷикистон шикоят баранд.

Пештар аз ин Додгоҳи шаҳри Душанбе ҳукми 10 соли зиндон бо ҷарима шудан барои Далери Имомалиро, ки Додгоҳи ноҳияи Шоҳмансури пойтахт содир карда буд, низ бетағйир гузошт.

Ҳуқми зиндони ин ду рӯзноманигор дар ҳоле бетағйир гузошта мешавад, ки ҳафтаи гузашта Гузоришгари вежаи СММ дар бораи ҳомиёни ҳуқуқ Мэри Лоулор зимни сафараш ба Тоҷикистон аз мақомоти ин кишвар хоста буд, тафтишот одилона ва мурофиаи додгоҳии боз бо иштироки намояндагони ҷомеаи байналмилалӣ сурат бигирад.

Инчунин хонум Лоулор дар боздоштгоҳ бо ин рӯзноманигорон мулоқот намуда, гуфта буд, ки ин ду рӯзноманигор, хусусун Далер ба пизишк ва муоинаи тиббӣ сахт ниёз доранд.

Ёдовар мешавем, ки Абдуллоҳ Ғурбатӣ ва Далери Имомалӣ аз ҷониби мақомот 15-уми июни соли ҷорӣ боздошт ва баъдан алайҳи онҳо парвандаҳои ҷиноӣ боз карда шуд.

Абдуллоҳ Ғурбатӣ рӯзи 4-уми октябр ба ҳамла ва таҳқири намояндаи ҳокимият ва узвият дар гурӯҳҳои мамнуъ айбдор ва ба 7,5 соли зиндон маҳкум шуд.

Мақомот Далери Имомалиро 17-уми октябри соли ҷорӣ ба соҳибкории ғайриқонунӣ, расондани хабари дурӯғ ва узвият дар созмонҳои мамнуъ гунаҳкор дониста, ба муҳлати 10 сол равонаи зиндон кард.

Ин ду рӯзноманигори шинохта иттиҳомоти мақомотро рад карда буданд. Ҳатто созмонҳое, ки ба узвият дар онҳо муттаҳам мешаванд, аз ҷумла ҲНИТ ва “Гурӯҳи 24” ҳамкорӣ бо ин рӯзноманигоронро рад карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти се нафар бо иттиҳоми қаллобӣ дар Душанбе

Вазорати корҳои дохилии Тоҷикистон аз боздошти се нафаре хабар дод, ки ба иддаои ин ниҳод, онҳо бо роҳи фиреб додани мардум пулҳои калоне ба даст меовардаанд.

Марги се ҳоҷии тоҷик ҳангоми адои Ҳаҷ

Се нафар аз зоирони тоҷикистонӣ ҳангоми адои фаризаи Ҳаҷ дар Арабистони Саудӣ вафот кардаанд.

Дар ду рӯз 3 кӯдаки ноболиғ ғарқ шуд, кӣ гунаҳкор аст?

Рӯзҳои 16 ва 17-уми июни соли ҷорӣ дар Тоҷикистон се кӯдаки ноболиғ ғарқ шуданд, ки хурдтарини онҳо якунимсола буд.

Дар Русия пулис ҳам метавонад муҳоҷиронро ихроҷ кунад

Аз ин ба баъд пулиси Русия метавонад шаҳрвандони хориҷие, ки даст ба қонуншиканӣ задаанд, бидуни қарори додгоҳ аз Русия ихроҷ кунанд.