33.9 C
Dushanbe

Додгоҳе дар Юнон домоди яке аз раҳбарони мухолифинро озод кард

Имрӯз 13 январ Додгоҳи Юнон Саъдӣ Раҳматов – шавҳари хоҳари Шарофиддин Гадоевро, ки чанде пеш дар ин кишвар бо иттиҳоми узвият дар ДОИШ боздошт шуда буд, раҳо кард.

Гуфта мешавад, иттиҳомоте, ки алайҳи шавҳари Ҳафизамоҳ Гадоева эълон шуда буд, исботи худро наёфт ва ҳамчунин ҳаққи паноҳандагии сиёсии ӯ аз ин кишвар асос шуд ва Додгоҳ ӯро раҳо кард.

Дар Додгоҳ аз ҳуқуқи ин шаҳрванди Тоҷикистон вакили дифоъ, Димитриёс Зорбас ҳимоят мекард.

Dimitrios Zorbas

Вакили дифоъ дар сӯҳбат бо “Аздо тв” гуфт, Раҳматов имрӯз пас аз зуҳр ва ё фардо озод мешавад. Ва чун парвандаи зерҳимояаш сиёсӣ аст, Додгоҳ ӯро ба Тоҷикистон истирдод накард, зеро ӯ қаблан ҳаққи паноҳандагии сиёсиро аз ин кишвар дарёфт карда буд.

“Бинобар ин, Додгоҳ тасмим гирифт, ки Саъдӣ Раҳматовро ба Тоҷикистон истирдод накунад, зеро ӯ паноҳандаи сиёсӣ дар Юнон аст ва агар ба Тоҷикистон баргардад, эҳтимолан шиканҷа ва ё зиндонӣ мешавад. Конвенсияи Женева истирдоди паноҳандагони сиёсиро иҷозат намедиҳад. Додгоҳ ҳам  ҳамаи ин масъалаҳоро барои баррасии одилона ва айбдоркунӣ бо сабабҳои сиёсӣ ба назар гирифт”, – гуфт вакили дифоъ ба “Аздо тв”.

Ёдрас мекунем, ки 6-уми ноябри соли 2020 пулиси Юнон Саъдӣ Раҳматови 27-соларо бо иттиҳоми узвият дар гурӯҳи ДОИШ боздошт намуда буд. Бино ба иттилои расонаҳо, домоди Шарофиддин Гадоевро бо дархости ҷониби Тоҷикистон тариқи пулиси байналмиллалии “Интерпол” дар шаҳри Триполиси Юнон боздошт карда буданд.

Гуфта мешуд, ки ӯ падари чаҳор фарзанд буда ҳамчун муҳоҷири ғайриқонунӣ соли 2017 вориди хоки Юнон шудааст. Ӯ дар Юнон ҳаққи паноҳандагӣ ба даст оварда ва дар манзиле зиндагӣ мекард, ки онро як созмони ҷамъиятӣ дар Триполис барои онҳо ба иҷора гирифта буд.

“Аздо ТВ” дар мавриди ҷузъиёти боздошти ин шаҳрванди Тоҷикистон бо ҳамсари ӯ хонум Ҳафизамоҳ Гадоева мусоҳиба анҷом дод. Дар он сӯҳбат Гадоева гуфт, ки шавҳараш замоне боздошт шуд, ки мехостанд шиноснома барои кӯдаки навзодашон бигиранд. Ҳангоми ворид кардани номи ҷавон дар компютер аз тарафи “Интерпол” ҳамчун гумонбар шиносоӣ мешавад ва ӯро боздошт мекунанд.

Ба нақли Гадоева, иттиҳомот аз ҷониби Тоҷикистон сиёсӣ буда ва фишорҳо болои хонаводааш ҳанӯз замони дар Тоҷикистон буданаш оғоз шуда буд. Ӯ мегӯяд, аз шавҳари аввалаш бо фишори пайдарпайи мақомоти амнияти Тоҷикистон ҷудо шуда ва ин шавҳари дуввуми Ҳафизамоҳ аст, ки онҳо дар соли 2016 издивоҷ кардаанд.

Ҷузъиёти хабар баъдтар нашр мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.