32.9 C
Dushanbe

Додгоҳе дар Олмон алайҳи панҷ шарҳванди Тоҷикистон айб эълон кард

Панҷ шаҳрванди тоҷике, ки баҳори соли гузашта дар Олмон аз ҷониби мақомоти интизомии ин кишвар боздошт шуда буданд, бо иттиҳоми узвият дар гурӯҳи (ДОИШ) айбдор ва алайҳашон бо моддаҳои гуногуни Кодекси ҷиноятии Олмон айб эълон шудааст.

Аз ин панҷ шаҳрванди Тоҷикистон: Фарҳодшоҳ К., Муҳаммадалӣ Г., Азизҷон Б., Сунатуллоҳ К. ва Комрон Б. ном бурда мешавад.

Бино ба гузориши Прокуратураи федералии Олмон 1 феврали соли 2021 додгоҳи минтақавии шаҳри Дюсселдорф алайҳи ин панҷ шаҳрванди Тоҷикистон айб эълон кардааст.

“Айбдоршавандагон барои ҳамкорӣ бо аъзоёни ташкилоти террористии Давлати Исломӣ (ДИИШ) бо исботи далелҳо гумонбар дониста мешаванд”, омадааст дар хабар.

Дар айбномае, ки алайҳи ин шаҳрвандони Тоҷикистон пешниҳод шудааст, далелҳои зерин оварда шудаанд:

(Аз ҷумла дар мавриди Азизҷон Б. чунин гуфта мешавад:)

“Азизҷон Б. аз моҳи марти соли 2017 узви доимии сохторҳои ба ном Давлати исломӣ (ДОИШ) буд ва бо ду роҳбари баландпояи ин созмон дар Афғонистон робитаи зич дошт. Бо роҳбарии онҳо, ӯ тавассути Интернет барои Ассотсиатсияи Рейн-Вестфалияи Шимолӣ чорабиниҳои гуногун таҳия менамуд. Асоси ин шабакаи интернетии русзабон ва тоҷикзабони IS-и вилояти Хуросон буд, ки тавассути он Ассотсиатсия пайравони худро дар саросари ҷаҳон радикал мекард, таълими идеологӣ мебурд, манбаъҳои калони молиявӣ сафарбар мекард ва аъзои навро барои муборизаи мусаллаҳона дар рӯҳияи ҷиҳод тарбия мекард. Ин шабака дар радикализми як қотили тоҷик, ки рӯзи 7 сентябр дар маркази Стокҳолм кушта шудааст, фаъолона ширкат кардааст.”

Ин панҷ тоҷик дар даст доштани куштор бо дастури аъзоёни баландпояи (ДОИШ) дар Афғонистон ва гирифтани маблағҳо аз ҷониби онҳо низ айбдор мешаванд.

Ёдовар мешавем, ки моҳи марти соли 2019 12 зодаи Тоҷикистон бо иттиҳоми узвият дар (ДОИШ) дастгир шуда буданд, вале аксари онҳо баъд аз муддате раҳо шуданд. Аммо рӯзи 15 апрели соли 2020 дар чорчӯби парвандаи Равшан Б. боз 4 зодаи Тоҷикистон – Азизҷон Б., Муҳаммадалӣ Г., Фарҳодшоҳ К. ва Сунатуллоҳ К. дастгир шуданд.

Як зодаи дигари Тоҷикистон, Комрон Зуҳуров дар поёни моҳи апрел дар чорчӯби ҳамин парванда дар Албания дастгир шуд ва додгоҳи Албания ӯро ба Олмон истирдод кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.