9.9 C
Dushanbe

Додситони Бадахшон аз мансабаш барканор шуд?

Бино ба иттилои ғайрирасмӣ, Парвиз Орифзода, додситони Вилояти Мухтори Кӯҳистони Бадахшон бо иттиҳоми фурӯши амволи мусодирашудаи раҳбарони мардумии ин вилоят аз мансабаш барканор шудааст.

Бино ба иттилои рӯзноманигори шинохта Рустами Ҷонӣ, рӯзи 9-уми феврали соли ҷорӣ додситони ВМКБ Орифзода Парвиз Рустам бо гумони фурӯши мошинҳое, ки аз фаъолони бадахшонӣ мусодира шуда буданд, аз вазифа барканор шуда ва мақомот нисбати ӯ тафтишотро оғоз кардааст.  

Рустами Ҷонӣ менависад: “Зоҳиран мошинҳоеро, ки мақомот баъди ҳодисаҳои хунини ВМКБ аз дасти фаъолони Помир гирифта буданд, додситони собиқ ба шахсони сеюм фурӯхтааст”.

То ҳол мақомот ба таври расмӣ хабари барканор шудани Парвиз Орифзодаро аз мақомаш таъйид ё рад накардааст.

Дар ҳамин ҳол, “Pamir Daily News” менависад, ки пештар аз як манбаи номаълум хабар гирифта буд, ки Орифзода ба далели сӯиистифода аз мансаб аз мақом барканор шудааст.

Як манбаъ аз Бадахшон ба Azda TV гуфт, ки аз барканор шудани Парвиз Орифзода хабар надорад, аммо “ҷиноятҳое, ки Орифзода содир кардааст ба ҳама маълум аст”. Ин ҳамсуҳбати мо гуфт, ки Орифзода ва зердастонаш бе қарори суд мошин, телефон ва ҳатто ашёи хонаи сокинон ва раҳбарони мардумии Бадахшонро мусодира мекарданд.

Парвиз Орифзода моҳи майи соли гузашта замони эътирози сокинони ВМКБ дар телевизиони давлатии “Бадахшон” суханронии карда гуфта буд, ки ширкат дар эътирозҳо бо амали террористӣ баробар карда мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.