21.9 C
Dushanbe

Доналд Трамп расман боздошт шуд

Рӯзи 4-уми апрели соли 2023 баробари ҳузур ёфтани Доналд Трамп дар додгоҳ боздошт шуд. Ӯ ба унвони собиқ президнти Амрико аввалин нафарест, ки бо иттиҳомоти гуногун расман боздошт мешавад.

Додгоҳи Манхэттени шаҳри Ню-Йорк Доланл Трампро ба 34 айб, аз ҷумла сохтакориҳо дар муомилоти тиҷоратӣ айбдор кардааст, ки худи Трамп ҳама айбҳоро рад кардааст.

Собиқ раисҷумҳури Амрико инчунин дар додани ришвар ба як зани ҳунарпешаи филмҳои порнографӣ муттаҳам мешавад. Тибқи иттиҳоми додгоҳ, Трамп қабл аз интихоботи президентии соли 2016 барои фош накардани сирри маҳрамона ба ин зан 130 ҳазор доллари амрикоӣ ҳамчун ришва додааст.

Ба иддаои додситонӣ, Трамп ҳамчунин ба доштани робитаҳои маҳрамона бо ду зани дигар низ муттаҳам мешавад, ки барои сокит кунондани онҳо ба яке 150 ҳазор ва ба дигарӣ 30 ҳазор доллари амрикоӣ додааст.

Ҳомиён ва ҷонибдорони Доналд Трамп мегӯянд, Додситони Манхэттен ба дунболи сиёсӣ кардани парвандаи ӯ аст ва мехоҳад пеш аз оғози маъракаи интихоботи президентии соли оянда аз обрӯи собиқ расиҷуҳур коста кунад.

Додгоҳ пас аз тафҳими иттиҳомот ва шунидани сухани Трамп ӯро расман аз боздошт раҳо кард ва ӯ ба  иқоматгоҳи худ ба Флорида баргаштааст.

Гуфта мешавад, дар сурати исботи иттиҳомоти эълоншуда алайҳи Трамп, ҳадди аксар ӯро то 4 соли зиндон интизор аст, вале ба гуфтаи ҳуқуқшиносон, дар сурати гунаҳкор донистани Трамп ҳам ӯ ҷаримаи нақдӣ хоҳад шуд ва бисёр баъид астба зиндон фиристода шавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти се нафар бо иттиҳоми қаллобӣ дар Душанбе

Вазорати корҳои дохилии Тоҷикистон аз боздошти се нафаре хабар дод, ки ба иддаои ин ниҳод, онҳо бо роҳи фиреб додани мардум пулҳои калоне ба даст меовардаанд.

Марги се ҳоҷии тоҷик ҳангоми адои Ҳаҷ

Се нафар аз зоирони тоҷикистонӣ ҳангоми адои фаризаи Ҳаҷ дар Арабистони Саудӣ вафот кардаанд.

Дар ду рӯз 3 кӯдаки ноболиғ ғарқ шуд, кӣ гунаҳкор аст?

Рӯзҳои 16 ва 17-уми июни соли ҷорӣ дар Тоҷикистон се кӯдаки ноболиғ ғарқ шуданд, ки хурдтарини онҳо якунимсола буд.

Дар Русия пулис ҳам метавонад муҳоҷиронро ихроҷ кунад

Аз ин ба баъд пулиси Русия метавонад шаҳрвандони хориҷие, ки даст ба қонуншиканӣ задаанд, бидуни қарори додгоҳ аз Русия ихроҷ кунанд.