36.9 C
Dushanbe

ДССХ: Диссернет иштибоҳ мекунад

Муовини ректор гуфт, ки Диссернет кори худашро кардан мегирад, мо ба иддаои он дода намешавем. Мо садо баланд карда мегӯем, ки Диссернет иштибоҳ кардааст.

4-уми август, Исломбек Хоркашев, муовини ректори Донишкадаи сайёҳӣ, соҳибкорӣ ва хидмат оид ба илм ва инноватсия дар вокуниш ба расонаӣ шудани хабари марбут ба асардуздии ректори ин донишкада дар суҳбат ба Аздо тв гуфт: “Диссернет чанд сол шуд иштибоҳ мекунад, мо ба гуфтаҳои Диссернет ва ғайра дигар дода намешавем.”

Муовини ректори Донишкадаи сайёҳӣ, соҳибкорӣ ва хидмат афзуд: “Диссернет кори худашро кардан мегирад. Вақте як кори ободкорӣ, ки кардӣ ва саҳми муносибе, ки гузоштӣ дар ҷомеа душман зиёд мешавад, барои ҳамин ( ба иддаои) душманон мо дода намешавем.”

Вай дар бораи фошкориҳои Диссернет таъкид кард: “Ҳоҷат надорад, киро надорад аз забони вай (ректор) садо диҳад, ин хел норӯшанфикрон, ин хел бадбинон, бадхоҳон зиёданд, мо садо баланд карда мегӯем, ки (Диссернет) иштибоҳ кардааст.”

29-уми июл пойгоҳи Диссернет иттилоъ дод, ки Асроров Убайдулло Сатторович (Асрорзода Убайдулло), ректори Донишкадаи сайёҳӣ, соҳибкорӣ ва хидмати Тоҷикистон дар рисолаи номзадии илмҳои иқтисодии худ, ки 2011 зери унвони “Бозори озуқаворӣ ва такмили механизми танзими давлатии он (дар асоси маводи Ҷумҳурии Тоҷикистон)” (Продовольственный рынок и совершенствование механизма его государственного регулирования (на материалах Республики Таджикистан) ҳимоя кардааст, дар 57 сафҳа аз кори Галина Зинчук ва дар 36 сафҳаи дигар аз кори Александ Васютин қисман ва ё пурра рӯбардорӣ кардааст.

Тибқи таҳқиқи Диссернет, Асрорзода Убайдулло дар ин рисолаи худ, ки аз асарҳои дигарон рӯбардор кардааст, “Федератсияи Русия”-ро ба “Ҷумҳурии Тоҷикистон”, “минтақаҳои шимоли дур”-ро ба “минтақаҳои кӯҳии ҷумҳурӣ”, “бозори ғалла”-ро ба “бозори озуқаворӣ”, “ғалладона”-ро ба “хӯрок” ва ё “маҳсулот” табдил кардааст.

Тайи чор  соли ахир пойгоҳи таҳқиқоти интернетии Диссернет ҳудуди 50 рисолаи олимони тоҷикро таҳқиқ ва муаллифони онҳоро ба асардуздӣ муттаҳам кард, вале аз байни ин афрод танҳо Абдурасул Сангинов, мудири кафедраи Донишгоҳи давлатии тиббии Тоҷикистон ба номи Абуалӣ Сино расман ба он вокуниш нишон додааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд. 

Сафари Додситони кулли Эрон ба Тоҷикистон

Додситони кулли Ҷумҳурии Исломии Эрон дар раъси як ҳайати боломақоми кишвар вориди Тоҷикистон шудааст.

Месси ба Амрико меравад

Футболбози 35-солаи аргентинӣ Лионел Месси на дар Арабистони Саудӣ, балкӣ дар Амрико бозӣ хоҳад кард.