28.9 C
Dushanbe

Ду зодаи дигари Бадахшон аз Русия ба Тоҷикистон истирдод шуданд

Дар охири моҳи июли соли ҷорӣ ду зодаи Вилояти Мухтори Кӯҳистони Бадахшон дар шаҳри Маскав боздошт ва ба Тоҷикистон истирдод шудаанд.

Бино ба иттилои Pamir Daily News, Парвиз Ғоибназаров ва Руслан Лашкарбеков аз тарси ҷону амнияти худ қаламрави Тоҷикистонро тарк кардаанд, вале аз сӯи мақомоти интизомии Русия боздошт ва ба Тоҷикистон ихроҷ шудаанд. Дар бораи сарнавишти онҳо то ҳол чизе дастраси расонаҳо нашудааст.

Тибқи хабарҳои тасдиқнашуда, Руслан Лашкарбеков ҳангоми боздошт аз ошёнаи дувум паридааст, ки дар натиҷаи он муваққатан дар бемористон бистарӣ шудааст.

Дар чанд моҳи охир хабари боздошту ба Тоҷикистон истирдод шудани чандин зодаи ВМКБ дар қаламрави Русия расонаӣ мешавад.

Аз ҷумла, дар охирҳои моҳи июли соли ҷорӣ Рамзӣ ва Ораз Вазирбековҳо, фаъолони помирӣ аз Маскав рабуда шуда буданд ва чанде баъд дар наворе хабар доданд, ки дар Тоҷикистон назди кормандони интизомии кишвар қарор доранд.

Пештар аз ин, бо қарори додгоҳҳои Русия Руслан Пӯлодбеков, Ҷонибек Чоршанбиев, Муслим Наврӯзов, Чоршанбе Чоршанбеев ва чанд тани дигар ба Тоҷикистон ихроҷ шуда буданд. Ва қабл аз онҳо Амриддин Аловатшоев аз қаламрави Русия рабуда шуда буд.

Чанд тани дигар дар боздоштгоҳҳои Русия интизори қарори истирдодашонанд ва дар Тоҷикистон хатари боздошту зиндонӣ шуданашон таҳдид мекунад.

Ҳамаи ин афрод зодагони ВМКБ буда, дар Русия кору зиндагӣ мекарданд ва қисме фаъолони диаспораи помирӣ буда, бар зидди саркӯби мақомоти тоҷик алайҳи аҳолии Бадахшон садо баланд карда буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.