Дар Душанбе 29-уми август дурнамои ҳамкорӣ дар самтҳои сармоягузорӣ ва соҳибкорӣ байни Тоҷикистон ва Созмони амният ва ҳамкорӣ дар Аврупо (САҲА) баррасӣ шуд.
Тавре Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ медиҳад, мулоқоти раиси ин ниҳод Султон Раҳимзода бо сафир ва роҳбари Дафтари барномаҳои (САҲА) Вилли Кемпел дар Душанбе сурат гирифта, ҷонибҳо масъалаҳои марбут ба ҳамкории дуҷонибаи Тоҷикистон ва САҲА, аз ҷумла дурнамои ҳамкорӣ дар соҳаҳои сармоягузорӣ ва соҳибкориро меҳвари гуфтугӯи худ қарор доданд.
Ёдовар мешавем, ки чанд сол аст мухолифони ҳукумати Эмомалӣ Раҳмон, раисҷумҳури худкомаи Тоҷикистон тавассути нишастҳои САҲА, ки ҳар сол дар пойтахти Лаҳистон шаҳри Варшава баргузор мешвад, вазъи ҳуқуқу озодиоҳи инсонро дар ҳукумати Эмомалӣ Раҳмон зери суол бурда, аз он шадидан интиқод мекунанд. Ин боиси ранҷиши Душанбе шудааст ва бо ин баҳона чанд сол боз Тоҷикистон дигар дар нишастҳои ин созмон иштрок намекунад.
