35.9 C
Dushanbe

Душанбе: Шиносоӣ ва ба ҷавобгарӣ кашидани омилони таҳқири духтар дар мактаб

Вазорати маориф ва илми Тоҷикистон хабар додааст, писароне, ки дар мактаб чанд тухмеро дар сари духтар шикаста буданд, шиносоӣ ва волидони онҳо ба ҷавобгарӣ кашида шуданд.

Эҳсони Хушбахт, сухангӯи Вазорати маориф ва илми Тоҷикистон мегӯяд, ки ҳодисаи шикастани тухмҳо ва рехтани “кейчуп” тавассути чор писар аз хонандагони мактаби №55 ноҳияи Шоҳмансури пойтахт дар дохили синфхона сурат гирифта буд, “аз ҷониби Раёсати  Вазорати корҳои дохилӣ (ВКД) дар шаҳри Душанбе мавриди таҳқиқу баррасӣ ва чораандешӣ қарор дода шуд.”

Ба гуфтаи ӯ: “Дар натиҷа муайян карда шуд, ки ҳодисаи мазкур санаи 20 декбари соли ҷорӣ, дар дохили яке аз синфхонаҳои мактаби таҳсилоти миёнаи умумии №55-и ноҳияи Шоҳмансури шаҳри Душанбе содир гардида, шахсияти иштирокчиёни навор муайян ва бо ҳамроҳии масъулини муассисаи номбурда, ҳамзамон волидайни хонандагон ба мақомоти милитсия дастрас карда шуданд.”

Сухангӯи Вазорати маориф меафзояд: “Дар доираи санҷиш муайян карда шуд, ки 4 нафар писарон-хонандагони синфи 11 «А»-и МТМУ №55 аз назди муассиса тухм харидорӣ намуда, бо мақсади ба таври «шӯхиомез» табрик намудани зодрӯзи ҳамсинфашон тухмҳоро ба сари духтар зада шикастаанд.”  

Вазорат мегӯяд, бо назардошти ноболиғ будани иштирокчиёни ҳодиса аз онҳо ном бурда намешавад, вале тиқби талаботи Қонуни ҶТ “Дар бораи масъулияти падару модар дар таълиму тарбияи фарзанд” ва “тибқи талаботи моддаи 90 Кодекси ҳуқуқвайронкунии маъмурии ҶТ парвандаҳои маъмурӣ тартиб ва барои баррасӣ ба мақомоти судӣ ирсол карда шуд.”

Навори ҳодисаи таҳқири духтар тавассути ҳамсинфонаш нахуст ду рӯз пеш аввал дар шабакаҳои иҷтимоӣ роҳ ёфт ва сипас расонаҳоро онро пайгирӣ карданд.

Пойгоҳи хабарии Бомдод, ки ин ҳодисаро таҳқиқ кардааст, ба нақл аз модари духтар гуфтааст, ки шикастани тухмҳо ва рехтани кейчуп ба сари духтараш “як анъана” байни ҳамсинфонаш будааст, ки дар рӯзҳои зодрӯзи ҳамдигар чунин шухиҳо мекунанд ва аз касе шикоят надоранд.

Инъикоси ин хабар аз аввал то охир ба вокунишҳои тунди ҷомеаи шаҳрвандӣ ва корбарони шабакаҳои иҷтимоӣ рӯбарӯ шудааст. Дар аввал корбарон ва фаъолони ҷомеаи шаҳрвандӣ аз мақомот хоста буданд, ки онҳоро шиносоӣ ва муҷозот намуда, навори онҳоро расман тавассути телевизионҳои давлатӣ ба мардум нишон диҳанд, то барои дигарон ибрат шавад.

Аммо пас аз нашри тафсилоти хабар тавассути Вазорат ва Раёсати корҳои дохилӣ дар шаҳри Душанбе эътирози ҷомеаи шаҳрвандӣ ва корбарон аз он иборат аст, ки Вазорати маориф ҳам бояд мустақим ба ҳодисаи ба ҳукми анъана қабул шуда, ворид шуда, директори мактаб ва дигар омӯзгорони зирабтро ҳам огоҳӣ ва муҷозот кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.