Сарони Тоҷикистон Покистон ба тавофуқ расиданд, ки соли оянда Созишномаи шарикии стратегӣ, ки ҳамкориҳои минбаъдаи дуҷонибаро таҳким мебахшад, ба имзо бирасонанд.
Бино ба иттилои Гуфта мешавад, дирӯз, 14-уми декабри соли ҷорӣ Президенти Тоҷикистон бо даъвати расмии Шаҳбоз Шариф, Нахуствазири Покистон дар раъси як ҳайати баландпояи кишвар ба Ҷумҳурии Исломии Покистон рафт ва тайи ин ду рӯз дар шаҳри Исломобод бо як қатор раҳбарони ин кишвар дидору мулоқот кард. Тоҷикистон ва Покистон соли ҷорӣ 30-умин солгарди барқарории муносибатҳои сиёсӣ ва дипломатии худро ба қайд гирифтанд. Президент Эмомалӣ Раҳмон аз соли 1994 ба ин сӯ бори 9-ум буд, ки бо сафарҳои расмӣ ва корӣ ба ин кишвар сафар мекунад. Покистон тайи ин муддат 12 маротиба нахуствизирони худро иваз кардааст ва Эмомалӣ Раҳмон дар аксар мавридҳо бо нахуствазирони ҷадиди он кишвар, аз он ҷумла Беназир Бҳуто, Парвиз Мушарраф, Муҳаммад Навоз Шариф, Юсуф Ризо Гелонӣ, Имрон Хон ва инак бо Шаҳбоз Шариф мулоқот кардаааст. Тоҷикистон ва Покистон ду кишваре ҳастнад, ки аз нигоҳи давлатдорӣ, ба хусус дар робита ба гурӯҳӣ ва оҳиста-оҳиста ба самти оилавӣ кардани ҳукуматҳо, ғарқ шудан дар фасодҳои идорӣ, молӣ, ахлоқӣ ва ҳатто бо сӯиистифода аз қонунҳои мубориза бо терроризму экстримз алайҳи мухолифони худ, аз он ҷумла мазҳабиҳои сиёсатмадар ва рӯҳониён бо ҳам шабоҳатҳое зиёде доранд.
