-4.6 C
Dushanbe

Дуздии маблағи зиёд аз терминалҳои Душанбе

Як сокини шаҳри Душанбе бо гумони дуздии маблағи зиёд аз терминалҳо аз ҷониби кормандони ҳифзи ҳуқуқи пойтахт боздошт шудааст.

Акс аз сомонаи ВКД

Вазорати корҳои дохилаи Тоҷикистон рӯзи 12-уми январ хабар дод, ки кормандони пулис як марди 37-солаи сокини пойтахтро дастгир кардаад, ки “номбурда, моҳи январи соли 2021 бо роҳи пинҳонӣ аз терминалҳои пардохтии ширкати “Пайванд гурӯҳ”, воқеъ дар кӯчаҳои С.Осиё, С.Носир, М.Турсунзода, хиёбони Рӯдакӣ, кӯчаи Меҳнат ва дохили бозори “Меҳргон”-и шаҳри Душанбе бо истифода аз калид онҳоро кушода, аз дохилаш маблағҳои пулиро дуздида, аз ҷойи ҳодиса ғайб задааст”.

Тавре ВКД-и шаҳри Душанбе хабар медиҳад, ин мард дар маҷмуъ аз терминалҳои пойтахт 240 ҳазору 980 сомониро дуздидааст.

Гуфта мешавад, айни ҳол ин мард дар боздошт аст ва вобаста ба ҳолатҳои мазкур тафтишот идома дорад. Ҳувияти ӯ ошкор нашудааст ва инчунин вобаста ба қазия назари наздикону вакили дифоаш низ дастарс нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.