24.9 C
Dushanbe

Эҳтимол меравад Иззат Амон афв шуда, парвандааш қатъ мегардад

Иззат Амон раиси “Маркази тоҷикон”, фаъоли ҷомеаи шаҳрвандӣ ва ҳомии ҳуқуқи муҳоҷирон дар Русия, аз 5 шикояти нисбаташ воридшуда, танҳо яктоашро эътироф накардааст. Дар ин бора вакили дифои ӯ Сайидбурҳон Шарипов ба “Asia-Plus” хабар дод.

Шарипов мегӯяд, ки парвандаи Иззат Амон танҳо бар асоси як моддаи кодекси ҷиноӣ – қаллобӣ тафтиш шудаа истодааст ва талош доранд, ки то парвандаи ин ҳомии ҳуқуқи муҳоҷирон мувофиқи қонуни афви соли 2019 банду баст шуда, парванда қатъ карда шавад.

Ба гуфтаи вакили дифоъ мувофиқи қонуни афви соли 2019, агар ҷиноятҳое, ки зарарҳои моддӣ доранд ва ин зарарҳо барқарор карда шаванд, авф нисбати боздоштшуда татбиқ карда мешавад.

Ба гуфтаи Сайидбурҳон Шарипов, то кунун Иззат Амон ба СИЗО ё боздоштгоҳи тафтишотӣ интиқол дода нашуда то ҳол дар боздоштгоҳи муваққатии ВКД қарор дорад. Вакили дифоъ изҳори умедворӣ намуд, ки нафари зери ҳимояташ ба СИЗО интиқол нашуда, парванда ҳалли худро пайдо кунад.

Шарипов дар ҳоле аз интиқол наёфтани зерҳимояаш ба СИЗО мегӯяд, ки рӯзи 16-уми апрел наздикони Иззат Амон ба расонаҳо гуфтанд, ки фардо ӯро ба СИЗО мебаранд.

То ҳол маълум нест, ки додгоҳи ҳомии ҳукқуқи муҳҷирон кай баргузор мегардад.

Сайидбурҳон Шарипов ба “Asia-Plul” гуфт, ки то ин дам зерҳимояаш аз шароити нигаҳдорияш розӣ буда, саломатияш низ хуб буда, аз чизе шикоят надорад.

Ин дар ҳолест, ки чанд рӯз пеш наздиконаш гуфта буданд, ки вазъи сиҳатии Иззат Амон нохуб шудаву онҳо ба ӯ дору бурда буданд.

Ёдовар мешавем, ки Иззат Амон як чеҳраи маъруф ва ҳомии ҳуқуқи муҳоҷирон рӯзи 25 моҳи март шаҳрвандияш лағв ва рӯзи 27 дар Тоҷикистон хабари боздошташ расонаӣ шуд. ВКД-и Тоҷикистон Иззат Амонро ба қаллобӣ муттаҳм намуда, нисбаташ бо моддаи 247, қисми 4-и Кодекси Ҷумҳурии Тоҷикстон паарванда боз кардааст.

Аммо наздикони ӯ ва ҷомеаи шарҳрвандӣ ин иттиҳомотро рад мекунанд ва парвандаро дорои ангезаи сиёсӣ унвон кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мавҷи нави таъқибу боздоштҳо дар Тоҷикистон

Тибқи иттилооти расида, мақомоти Тоҷикистон мавҷи нави саркӯбу таъқиб ва боздоштҳоро оғоз кардаанд.

Тобути 6 муҳоиҷири тоҷикро ба Ватан меоранд

Рӯзи 22-юми майи соли ҷорӣ тобути 6 муҳоиҷири тоҷикро аз Қазоқистон ба Тоҷикистон фиристоданд.

Созишномаи хати марзи Тоҷикистон, Қирғизистону Узбекистон тасдиқ шуд

Парлумони Тоҷикистон созишномаи таъйини нуқтаи пайвасти марзи Тоҷикистону Қирғизистону Узбекистонро расман ба тасвиб кард.

Раёсати маориф: Ҷамъоварии маблағ аз волидайн дар мактабҳо қатъиян манъ аст

Дар Тоҷикистон гирифтани маблағ аз волидони донишомӯзони мактабҳо барои таъмири мактаб дар поёни соли таҳсил мамнуъ эълон шуд.