36.9 C
Dushanbe

Эълони оташбас дар Украина

Вазорати мудофиаи Русия дар панҷ шаҳри Украина муваққатан “режими хомӯшӣ” ё оташбас эълон кардааст.

Вазорати мудофиаи Русия бо нашри як иттилоия дар саҳфаи Телеграмии худ эълон кард: “Имрӯз аз соати 10:00 ба вақти Маскав барои бехатар кӯчонидани мардуми осоишта аз маҳаллаҳои аҳолинишин “режими хомӯшӣ” ҷорӣ шуда, долонҳои гуманитарӣ аз Киев, Чернигов, СУМ, Харков ва Мариупол боз мешаванд.”

Вазорати мудофиаи Русияи дар бораи муҳлати замонии оташбас дар иттилоияи худ чизе нагуфтааст. Инчунун зикр накардааст, ки масири ин “долонҳои гумунитарӣ”-и боз шуда, паҳонҷӯёнро то сарҳади кадом минтақаи ором ва ё сарҳади ҳамсоякишварҳои Уркаина мерасонад.

Аммо Садои Олмон мегӯяд, ки Вазорати мудофиаи Русия масирҳои ин “долонҳои гуманитарӣ”-ро ба самти Русия ва Белорус боз кардааст.

Аз оғози ҳамлаҳои Русия ба Украина 14 рӯз мегузарад. Русия субҳи 24-уми феврали соли 2022 ҳамлаҳои худ ба Украинаро оғоз карда буд. Ба гуфтаи Созмони Миллали Муттаҳид дар муддати ин 14 рӯзи ҷанг дар Украина наздик ба 2 миллион нафар муҳоҷир шудааст.

Русия мегӯяд, ки замоне қатъ хоҳад кард, ки Украина пайвастани Қримро ба хоки Русия расман бишносад ва истиқлолияти “Ҷумҳурии халқии Луганск” ва “Ҷумҳурии халқии Донетск”-ро эътироф карда, бо ворид кардани тағйирот дар Сарқонуни ин кишвар аз пайвастан ба НАТО ва дигар блокҳои низомӣ худдорӣ варзад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд. 

Сафари Додситони кулли Эрон ба Тоҷикистон

Додситони кулли Ҷумҳурии Исломии Эрон дар раъси як ҳайати боломақоми кишвар вориди Тоҷикистон шудааст.