20.9 C
Dushanbe

Эмомалӣ Раҳмон дар Бадахшон

Субҳи 15-уми август Эмомалӣ Раҳмон, раисҷумҳури Тоҷикистон барои анҷоми як сафари корӣ ба Вилояти Мухтори Кӯҳистони Бадахшон рафт.

Сафари Раҳмон ба ин вилоят аз ноҳияи Дарвоз оғоз шудааст. Гуфта мешавад, ҳадаф аз сафар ошноӣ аз ҷараёни корҳои таҷдиду азнавсозии роҳи “Қалъаи Хумб-Ванҷ, сарҳади ноҳияи Рӯшон” мебошад. Ва бозсозии роҳ ҷузъи “Лоиҳаи таҷдиди роҳи автомобилгарди Душанбе-Қулма” аст.

Интизор меравад, Эмомалӣ Раҳмон дар ин сафараш ҳамчунин аз Рӯшон, Шуғнон ва Хоруғ боздид кунад.

Дар ҳамин ҳол чанде аз сокинони шаҳри Хоруғ ба “Pamir Inside” хабар додаанд, ки кормандони Кумитаи давлатии амнияти миллӣ занону мардонро маҷбур ва ҳатто таҳдид доранд, ки дар вохӯрӣ бо Президент иштирок кунанд, дар ғайри сурат муҷозот хоҳанд шуд.

Гуфта мешавад, пас аз ҳодисаҳои хунини Рӯшону Хоруғ дар моҳи майи соли 2022 ин нахустин сафари Раҳмон ба ВМКБ аст.

Дар ҷараёни саркӯби эътирозҳо даҳҳо нафар куштаву захмӣ ва садҳо зода ва фаъоли ин вилоят бо итттиҳомоти сохтаи мақомот равонаи зиндон гардиданд. Инчунин нафар аз зодагони ВМКБ маҷбур шуданд, ки ба кишварҳои Аврупо ва ИМА муҳоҷират кунанд.

Дар робита ба ҳамла ва куштани шаҳрвандон дар Бадахшон Эмомалӣ Раҳмон дар яке аз суханрониҳояш гуфта буд, ки дастури “амалиёт”-ро шахсан худаш додааст.

Бино ба иттилои Радиои Озодӣ, қарор буд Эмомалӣ Раҳмон тирамоҳи соли гузашта ба Бадахшон равад, аммо бо сабабҳои “ноамнии Афғонистон” ва “вазъи саломати ӯ” сафар бекор шуда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти беш аз 20 нафар дар парвандаи ҳамла ба Крокус

Дар пайи ҳамлаи хунин ба “Крокус Сити Ҳолл”-и Красногорски...

Нақшаи даъвати баҳории сарбозон пурра иҷро шуд

Вазорати мудофиаи Тоҷикистон хабар дод, ки нақшаи даъвати баҳории ҷалби сарбозон ба Артиш дар кишвар рӯзи 22-уми майи соли ҷорӣ 100% иҷро шуд.

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сатр напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.