-4.6 C
Dushanbe

Эмомалӣ Раҳмон Путинро табрик гуфт

Эмомалӣ Раҳмон, раисиҷумҳури Тоҷикистон дар як сӯҳбати телефонӣ Владимир Путин ҳамтои русашро ба муносибати анҷоми маъракаи раъйпурсӣ барои тағйирот ба Конститутсия, табрик кардааст.

Хабаргузории Sputnik аз қавли котиботи раисиҷумҳури Тоҷикистон навиштааст, ки дар ибтидои сӯҳбат президенти Тоҷикистон Владимир Путинро ба муносибати бо муваффақият анҷом ёфтани раъйпурсӣ барои тағйирот ба Конститутсияи Русия табрик намуда, таъкид кард, ки нишондиҳандаҳои баланди иштироки раъйдиҳандагон дар он, боз як далели возеҳи аз ҷониби ҷомеа пурра дастгирӣ ёфтани сиёсате мебошад, ки роҳбарияти кишвар ҷиҳати тақвияти давлатдорӣ дар Русия пеша кардааст. Раҳмон ҳамчунин зикр кардааст, ки тағйироти конститутсионӣ ба раванди рушди босуботи кишвар такони тоза бахшида, ҳатман ба нафъи тамоми шаҳрвандони Русия хизмат хоҳанд кард.

Раҳмонов ҳамтои руси худро барои анҷоми раъйпурсӣ ҷиҳати ислоҳот ба Қонунӣ асосӣ дар ҳоле муборакбод мекунад, ки худи ӯ низ баъди Созишномаи умумии истиқрри сулҳ ва ризояти миллӣ як бор дар соли 2003 ва бори дуввум дар соли 2016 ба Қонуни асосӣ тағйирот ворид карда шароити ҳузури худ дар сари қудрат то охири умрро таъмин кард. Тағйироти Қонуни асосии Русия ҳам иҷозат медиҳад, ки Путин дар соли 2024 низ барои ду навбати дигар номзадияшро дар интихоботҳои президентӣ пешбарӣ кунад ва бо ҳамин то соли 2036 зимоми қудратро ба касе надиҳад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.