Муовини вазири корҳои хориҷии Тоҷикистон эътироф карда, ки табилоғот ва тарғиботи идеологии ҳукумат натавониста пеши роҳи ҷазби ҷавононро дар пайвастан ба гурӯҳҳои террористӣ бигирад.
Бино ба иттилои расмӣ, 26-уми октябри соли 2023 нишасти байналмилалии сатҳи баланди “Амнияти АвруОсиё: воқеият ва дурнамо дар ҷаҳони тағйирёбанда” дар шаҳри Минск, пойтахти Беларус ба кори худ оғоз кард.
Ба қавли манбаъ, ҳайати Тоҷикистонро муовини вазири корҳои хориҷии Тоҷикистон Содиқ Имомӣ намояндагӣ мекард. Содиқ Имомӣ, ки дар ин конфронс суҳбат мекард, гуфт: Мо густариши идеологияи бениҳоят харобиовари родикализми мазҳабӣ дар минтақаи Осиёи Марказиро бузургтарин чолишҳои пешорӯӣ мебинем.”
Муовини вазири корҳои хориҷии Тоҷикистон таъкид карда, ки гурӯҳҳои террористӣ ва ифротӣ бо истифода аз заъфи идеологияи (ҳукуматӣ) ва (кам будани донишҳои) мазҳабӣ мардум ва бахусус ҷавонон нафарони зиёдеро ба сафҳои худ ҷалб мекунанд.
Гуфта мешавад, тибқи оморҳои расмие, ки мақомот ва бахусус раҳбарони олии Тоҷикистон ба расонаҳо пешниҳод мекунанд, ки зиёда аз 97 дарсади аҳолии кишвар мусалмонанд. Беш аз 35 дарсади сокинони кишварро наврасону ҷавонон ташкил медиҳанд. Ҳукумати Тоҷикистон ҳечгуна барномаи омӯзиши таълимоти мазҳабиро дар мактабу дошингоҳҳо барои онҳо тадорук надидааст.
Тоҷикистон дар ҳоле аз “густариши идеологияи харобиовар” суҳбат мекунад, ки ҳукумати Эмомалӣ Раҳмон тайи 14 соли гузашта ҳамагуна дарҳои таълиму тарбияи мазҳабиро ба рӯи ҷавонон бастааст. Маҳдудиятҳои мазҳабие, ки Эмомалӣ Раҳмон барои мусалмонон дар Тоҷикистон ҷорӣ кардааст, дар минтақаи Осиёи Марказӣ назир надоранд.
Конфронси байналмилалии сатҳи баланди “Амнияти АвруОсиё: воқеият ва дурнамо дар ҷаҳони тағйирёбанда” имрӯз, 27-уми октябрис соли ҷорӣ ба кори худ поён медиҳад.
