26.9 C
Dushanbe

Идомаи эътирозоти мардумӣ дар Эрон

Дар Эрон домани эътирозҳои хиёбонӣ густариш ёфта, ба донишгоҳу мактабҳои миёна расидааст. Аммо раҳбари ин кишвар Алӣ Хоманаӣ ин эътирозоти умумиро кори дасти Амрико ва Исроил хонд.

Бино ба гузориши расонаҳои маҳаллӣ, шумори зиёде аз донишҷӯёни донишгоҳҳо ва донишомӯзони макотиби Эрон дар ин чанд рӯзи ахир бо эътирозгарон пайваста, алайҳи ҳукумат шиорпартоӣ карданд.

Наворҳое, ки дар шабакаҳои иҷтимоӣ роҳ ёфтаанд, дида мешавад, ки донишҷӯёни Донишгоҳи санъатии Шарифи Теҳрон ва Донишгоҳи Озод ва дигар макотибу марокизи илмӣ ба хиёбонҳо баромадаанд.

Гуфта мешавад, ин эътирозҳои мардумӣ бо саркӯби мақомот рӯ ба рӯ шудаанд. Раснаҳо аз кушта шудани 68 нафар ва захмӣ шудани беш аз 300 нафар дар эътирозҳои рӯзи ҷумъаи гузашта дар Зоҳидон хабар медиҳанд.

Бархӯрди шадиди мақомот бо эътирозгаронро дар Зоҳидон, чеҳраҳои саршиноси ин минтақа маҳкум карданд.

Дар пасманзари саркӯби эътирозҳои мардумӣ дар Эрон 6 кишвари Иттиҳодияи Аврупо, ба монанди Фаронса, Олмон, Донморк, Испания, Ҷумҳурии Чек ва Италия пешниҳоди ҷорӣ кардани таҳримҳои нав алайҳи ин кишвар шуданд.

Ёдовар мешавем, ки эътирозҳои мардумӣ пас аз марги Маҳсо Аминӣ зани 22-солаи курди эронӣ сар заданд. Гуфта мешавад, полиси ахлоқ ё “маъмурони Гашти иршод” бону Маҳсо Аминиро барои тарзи либоспӯшиаш боздошт карда, чор рӯз пас аз он ҷасади беҷони ӯро ба хонаводааш таҳвил доданд.

Хонаводаи Маҳсо Аминӣ ва эътирозгарон мегӯянд, ки вай дар асари шиканҷа ҷон бохтааст, вале мақомоти эронӣ ин ривоятро рад карда мегӯянд, ки марги ин хонум ба далели сактаи қалбӣ будааст.

Гуфта мешавад, дар давоми ин эътирозҳо дар хеле аз манотиқи Эрон сабабгори беназмӣ, тахриби амлоки мардум ва давлат низ шудааст, даҳҳо нафар аз ду ҷониб эътирозгарон ва мақомоти эронӣ захмӣ ва кушта ҳам шудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Хуршед Фозилов барои 7 сол равонаи зиндон шуд

Додгоҳи шаҳри Панҷакент рӯзноманигори боздоштшудаи тоҷик Хуршед Фозиловро барои 7 сол равонаи зиндон кард.

Мақомоти Русия шаҳрвандони тоҷикро бо ваъдаи пул ба ҷанг даъват мекунанд

Муҳоҷирони кории тоҷики муқими Русия мегӯянд, мақомоти ин кишвар бо роҳҳои гуногун барои онҳо даъватнома фиристода, бо ваъдаҳои зиёди пулӣ онҳоро барои ҷанг ба Украина ҷалб мекунанд.

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.