20.9 C
Dushanbe

Фаластин: Ҳамлаи нерӯҳои исроилӣ ба масҷиди Ақсо

Субҳи имрӯз, садҳо нафар аз нерӯҳои исроилӣ вориди ҳарами масҷиди Ақсо шуда, намозгузорон ва эътикофнишастаҳро мавриди ҳамла қарор доданд.

Бино ба иттилои Алҷазари Қатар, субҳи имрӯз, 15-уми апрели соли 2022 нерӯҳои исроилӣ вориди ҳарами масҷиди Ақсо дар шаҳри байтулмақдас гардида, ҳудуди 400 нафарро боздошт ва 152 каси дигарро бо зарби гулулаҳо ва гази ашковар захмӣ карданд.

Аз ҷониби дигар мақомоти фаластинӣ ин ҳамларо эълони ҷанг гуфта, муфтии Қудс ҳам эълон кардааст, ки ҳимоят аз маҷсиди Ақсо вазифаи миллӣ ва мазҳабии тамоми фаластиниҳост.

Дар аксу наворҳое, ки дар шабакаҳои иҷтимоӣ расонаҳои муътабари дунё аз ин ҳамлаи нерӯҳои исроилӣ нашр кардаанд, дида мешавад, ки ҳамлаварон бо бераҳмӣ ба самти мардум ҳамла мекунанд ва намозгузорони зиёде ҳам ба хотири ҳифзи ҷони худ ба ҳар тараф пароканда шуда, аз дами тир фирор мекунанд.

Аз сӯи дигар беш аз 40 гурӯҳ ва ниҳодҳои ифротии исроилӣ ҳам тайи чанд соли ахир талош доранд, масҷиди Ақсоро тахриб ва ба ҷои он ҳайкали Сулаймонро тавре даъво доранд, дар ин макони муқаддас бино кунанд.

Таъсири ин гурӯҳҳо сол ба сол ба ҳукумат ва мақомоти исроилӣ дар ҳоли афзоиш буда, ахиран эълон карда буданд, ки қурбонии иди пасхи худро, ки имсол дар ин моҳи рамазон, рост меояд, дар ҳарами масҷиди Ақсо баргузор кунанд, иқдоме, ки ба бовари мусалмонон ноҳурматӣ ба масҷиди Ақсо дониста мешавад.

Гуфта мешавад, бо вуҷуди таҳдидҳо ва ҳуҷуми сарбозони исроилӣ имрӯз ҳудуди 60 ҳазор нафар аз намозгузорон дар ҳарами масҷиди Ақсо ҷамъ омада, бо ҳам дувумин намози ҷумъаи моҳи рамазонро адо карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти се нафар бо иттиҳоми қаллобӣ дар Душанбе

Вазорати корҳои дохилии Тоҷикистон аз боздошти се нафаре хабар дод, ки ба иддаои ин ниҳод, онҳо бо роҳи фиреб додани мардум пулҳои калоне ба даст меовардаанд.

Марги се ҳоҷии тоҷик ҳангоми адои Ҳаҷ

Се нафар аз зоирони тоҷикистонӣ ҳангоми адои фаризаи Ҳаҷ дар Арабистони Саудӣ вафот кардаанд.

Дар ду рӯз 3 кӯдаки ноболиғ ғарқ шуд, кӣ гунаҳкор аст?

Рӯзҳои 16 ва 17-уми июни соли ҷорӣ дар Тоҷикистон се кӯдаки ноболиғ ғарқ шуданд, ки хурдтарини онҳо якунимсола буд.

Дар Русия пулис ҳам метавонад муҳоҷиронро ихроҷ кунад

Аз ин ба баъд пулиси Русия метавонад шаҳрвандони хориҷие, ки даст ба қонуншиканӣ задаанд, бидуни қарори додгоҳ аз Русия ихроҷ кунанд.