Тоҷикистон

Фарохон: Имрон Хон дар Душанбе пазироӣ нашавад!

Гурӯҳе аз ҷомеаи мадании Тоҷикистон бо нашри фарохоне дар шабакаи иҷтимоии Фейсбук, аз ҳукумати кишвар хостанд, ки аз сарвазири Покистон Имрон Хон дар Душанбе пазироӣ нашавад.

Ин фаъолони ҷомеаи мадании Тоҷикистон зимни нашри фарохон, аз хомушии ҷомеаи ҷаҳонӣ нисбат ба сарнавишти мардуми Афғонистон нигаронӣ карда, афзудаанд, ки ин кишвар баъд аз хуруҷи нерӯҳои амрикоӣ ва тасаллути Толибон бар ин кишвар ноамнтар шудааст.

Фаъолони ҷомеаи маданӣ иброз медоранд, ки кишвари Покистон аз Толибон пуштибонӣ мекунад ва ба ин восита дар дахолат намудан ба умури дохилии Афғонистон даст дорад.

“Мо дахолати Покистон дар умури дохилии Афғонистон ва мардуми азиятдидаи ин кишвари ҳамсоя ва ҳамзабонамонро басароҳат маҳкум мекунем. Бавижа бомбандозии ҳавопаймоҳои ҷангӣ ва паҳподҳои покистонӣ ба сари мардуми Панҷшерро башиддат маҳкум мекунем!”, - омадааст дар баёния.

Ба ин хотир қайд мекунанд, ки “мо масъулини Вазорати умури хориҷии Тоҷикистон ва кулли ниҳодҳои ҳукуматиро ФАРОМЕХОНЕМ, ки сафари қарибулвуқуъи ҷаноби Имрон Хон ба Тоҷикистонро то даст кашидани ин кишвар аз пуштибонии сиёсиву низомии Толибон, баррассии ин мавзӯъ дар СММ ва эҷоди як ҳукумати ҳамашумул дар Афғонистон ба таъхир андозанд. Лутфан, ба хостаҳо ва ниёзҳои мардуми Тоҷикистон ва ҳамзабонони панҷшерӣ арҷ гузоред ва ба ваҳдати миллии саросарии мо беэътиноӣ накунед!”

Ин дар ҳолест, ки 6-уми сентябр пас аз ҳамлаи Толибон ба Панҷшер аз ҷониби фаъолони ҷомеаи мадании тоҷик масъалаи баста шудани сафорати Покистон дар Душанбе садо дода буд. Ҷомеаи шаҳрвандӣ аз Вазорати хориҷаи Тоҷикистон хоста буданд, ки сафири Покистон дар Душанбе эҳзор ва эътирози Тоҷикистон ба ӯ расонида шавад.

Пас аз расонаӣ шудани хабари ҳамлаи нерӯҳои покистонӣ ба Панҷшер ва фарохонии Аҳмад Масъуд, раҳбари Ҷабҳаи муқовимати миллии Афғонистон барои қиёми густарда алайҳи ҷиноёти Покистон, ҳазорҳо нафар дар дохили Афғонистон ва хориҷ аз он ба хиёбонҳо рехтанд ва аз Покистон хостанд даст аз таъарруз ва ҳуҷум болои мардуми Панҷшер бардорад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Тоҷикистон

Тоҷикистон

Бонк муфлис шуд, мардум саргардон

Тоҷикистон

Русия дар Исфара "хлебзавод" сохт

Сиёсат

Вокуниши Тоҷикистон ба таҳдиди Толибон

Тоҷикистон

'Мофиё'-и Арбобзода дар Айнӣ