9.9 C
Dushanbe

Нафаре, ки аз Боздоштгоҳи Душанбе фирор карда буд, боздошт шуд

Аҳмадбек Саидов, шахсе, ки моҳе қабл аз Боздоштгоҳи рақами 1-и шаҳри Душанбе фирор карда буд ва дар ҷустуҷӯи расмӣ қарор дошт, боздошт шудааст.

Як манбаъ аз Сарраёсати иҷрои ҷазои ҷиноятии Вазорати адлияи Тоҷикистон ба “Азия-Плюс” хабар дода, ки маҳбуси фирорӣ Аҳмадбек Саидовро 1-уми октябр боздошт кардаанд, вале ҷузъиёти боздошти ӯро тавзеҳ надодааст.

Чанд рӯзе пеш мақомот барои пайдо кардани ӯ 50 ҳазор сомонӣ мукофотпулӣ ҷудо карда ва дар ҳамаҷо онро нашр карда буд.

Сабаби аслии боздошт ва фирори Сайдов то ҳол маълум нест. Аммо тибқи маълумоти Вазорати корҳои дохилаи Тоҷикистон, Аҳмадбек Саидов 35 сол дошта, сокини ҷамати Заргари ноҳияи Кушониёни Хатлон мебошад ва бо ҷурми “роҳзанӣ” гумонбар аст.

Гуфта мешавад, ӯ дар оғози моҳи августи соли ҷорӣ аз Русия ба Тоҷикистон истирдод шуда буд ва шаби 18 ба 19-уми августи имсол аз Боздоштгоҳи рақами 1-и шаҳри Душанбе фирор кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.