14.9 C
Dushanbe

Фишори мақомот ба сокинони Ворух

Бархе сокинони шаҳри Исфара мегӯянд, ки баҳори имсол вазъияти мардум ва сокинон дар ҷамоати деҳоти Ворух аз нав бад шудааст.

Бино ба иттилои манобеи Azda tv аз шаҳри Исфара, дар ҷамоати деҳоти Ворух кормандони мақомоти қудратӣ ва интизомӣ ҳамроҳ бо намояндаҳои ҷамоат хона ба хона рафта, дар оилаҳое, ки писаронашон ба синнӣ даъвати ҳарбӣ расидаанд, сарбозгирӣ мекунанд.

Ба гуфтаи онҳо, кори даъват ба сафи Қувваҳои мусаллаҳи Тоҷикистон дар ин ҷамоат то ҷое расида, ки мақомот барқро хомӯш карда, сокинонро таҳдид кардаанд, ки то пурра кардани нақшаи даъват ба хидмати ҳарбӣ ба онҳо нерӯи барқ дода намешавад.

Алӣ Алиев (номи мустаъор) як ҷавони 35-солаи ҷамоати деҳоти Ворух дар суҳбат ба мо гуфт, ки бархе кормандони мақомот чанд сол инҷониб пайваста бо ҳар баҳона болои мардум фишор меоранд. Ба ҳамин хотир, хеле аз ҷавонон аз тарси боздошт ва шиканҷа нашудан тарки Ватан карда, ба дигар кишварҳо, аз ҷумла ба Русия фирор кардаанд. Аммо дар ин як ҳафтаи ахир кормандони амният дасти кам 10 нафарро боздошт ва таҳдид кардаанд, ки фарзандони худро дар ҳар куҷое бошанд, баргардонанд ва ба хидмати ҳарбӣ бифиристанд ва дар ғайри он мавриди шиканҷа қарор хоҳанд гирифт.

Ҳамзамон чанд сокини дигари ин ҷамоат ҳам дар суҳбатҳои ҷудогона таъйид карданд, ки дар як ҳафтаи ахир дар чанд маҳалла сокинон аз нерӯи барқ маҳруманд ва мақомот ҳам таъкид доранд, то нақшаи даъват ба сафи Қувваҳои мусаллаҳро пурра иҷро накунанд, ба онҳо нерӯи барқ нахоҳанд дод.

Гуфта мешавад, қатъи интиқоли нерӯи барқ ба сокинон таҷрибаи нав дар Ворух нест, балки қаблан ба ин монанд мақомот дар чанд минтақаи дигари Тоҷикистон аз ин равиш истифода карда, болои сокинон фишор оварда буданд.

Пеш аз ин ҳам бархе манобеи Azda tv аз вилояти Хатлон гуфта буданд: “Ҳоло мақомот роҳи нави пулкоркуниро омӯхтаанд. Агар сарбоз нарасад, барқи ҳамаро хомӯш мекунанд ва мегӯянд, фарзандонатонро ба артиш биёред, аммо каме баъдтар худашон боз омада ин қарорашонро бар ивази пул бекор мекунанд ва аз ҳар масҷид то 10 ҳазор сомонӣ талаб карда, сипас барқро медиҳанд. Яъне, муфт соҳиби пул мешаванд.”

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.