Ҳуқуқ

"Freedom Now": Тоҷикистон зиндониҳои сиёсиро озод кунад

Имрӯз, 7-уми октябри соли 2021 пешнишасти 39-уми Баррасии даврии ҷаҳонӣ (UPR) бо ширкати намояндагони ниҳодҳои миллии ҳуқуқи башар ва созмонҳои ҷомеаи шаҳрвандӣ дар Женева оғоз ба кор кард.

Созмони миллали муттаҳид (СММ) аз ниҳодҳои миллии ҳуқуқи башар ва созмонҳои ҷомеаи шаҳрвандӣ даъват кардааст, ки дар пешнишасти 39-уми Баррасии даврии ҷаҳонӣ (UPR) ширкат кунанд ва гузоришҳои ҷойгузини худро дар бораи ҳуқуқи башар дар Тоҷикистон пешниҳод кунанд.

Баррасии даврии ҷаҳонӣ вазъияти ҳуқуқи башар дар Тоҷикистонро моҳи январи соли 2022 дар Женева баррасӣ хоҳад кард.

Дар ин пешнишасти 39-ми Баррасии даврии ҷаҳонӣ созмонҳои "Freedom Now", "IPHR", "Lawyer for Lawyer" ва "IBAHRI" ширкат ва суханронӣ карданд, вале аз ҷомеъаи шаҳрвандӣ ва ниҳодҳои ҳуқуқи башарии Тоҷикистон касе дар ин пешнишасти 39-ум ширкат надошт ва мухолифини табъидӣ ба шумули ҲНИТ, Гурӯҳи 24, Паймони Миллии Тоҷикистон ва Кумитаи шаҳрвандии наҷоти зиндониён низ касе ширкат накардааст.

"Freedom Now" дар ин нишаст аз боздоштҳои худсаронаи раҳбарони мухолифин изҳори нигаронӣ кардааст ва боздошти раҳбарони зиндонии ҲНИТ, Зайд Саидов, раиси Ҳизби Тоҷикистони нав ва вакили мудофеъ Бузургмеҳр Ёров ва муйсафеди 80 сола Дониёр Набиевро дорои ангезаҳои сиёсӣ донист. Инчунин аз ҳукумати Тоҷикистон хостааст, ки ҳукми СММ барои озодии беқайду шарти зиндониёни сиёсиро ба иҷро гузорад.

Намояндаи "Freedom Now" дар ин нишаст гуфт, моҳи ноябри соли 2018 ва майи соли 2019 дар зиндони Тоҷикистон ду ошӯб рух дод, ки дар натиҷа тақрибан 80 нафар маҳбусон, аз ҷумла чанд узви ҲНИТ кушта шуданд.

Созмони "Freedom Now" аз Тоҷикистон хостааст, ки иҷозаи таҳқиқоти мустақил ва шаффоф дар мавриди шӯришҳои зиндонро диҳад ва натиҷаи он таҳқиқотро ба таври густарда нашр кунад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Ҳуқуқ

Ҳуқуқ

КШНГЗ ҳукми додгоҳ нисбати Иззат Амонро маҳкум кард

Ҳуқуқ

Қатли бераҳмонаи ду зиндонӣ дар шаҳри Ваҳдат

Ҳуқуқ

Иззат Амон ба 9 соли зиндон маҳкум шуд

Ҳуқуқ

Афви Бузургмеҳр Ёров