17.9 C
Dushanbe

Футболбози тоҷик ба бошгоҳи футболи Эстония пайваст

Ҳимоятгари дастаи мунтахаби Тоҷикистон ва “Истиқлол”-и Душанбе Табрези Давлатмир бозии худро дар “премиум-лига”-и чемпионати Эстония идома медиҳад. Дар ин бора ФФТ хабар дод.

Бино ба иттилои сомонаи ФФТ Футболбози 22-солаи тоҷик бо клуби Эстония “Нарва-Транс” шартнома бастааст. Дар клуби нави худ Табрези Давлатмир таҳти рақами 3 баромад хоҳад кард.

«Гузаштан ба ҳайати бошгоҳи футболи «Нарва-Транс» барои ман даъвати нав дар собиқаи бозигарӣ мебошад. Мехоҳам ҳар чи зудтар бо дастаи худ шинос шуда, тамринҳоро шурӯъ намоям. Бо истифода аз фурсати муносиб ба “Истиқлол”, ки дар ҳайати он чанд мавсим бозӣ кардам, изҳори сипосгузорӣ намоям. Ба бошгоҳи футболи душанбегӣ дар марҳилаи гурӯҳии Лигаи қаҳрамонии КФО-2021 барору комёбӣ таманно дорам”, – гуфт Табрези Давлатмир.

Ёдовар мешавем, ки мавсими нави “премиум-лига”-и Эстония, ки дар он даҳ клуб иштирок мекунанд, 5 март оғоз меёбад.

Ҳамчунин рӯзи панҷшанбе, 11-уми феврал, марҳилаи финалии Ҷоми Федератсияи футболи Тоҷикистон-2021 (ФФТ) оғоз мегардад. Бозиҳо дар варзишгоҳҳои марказии шаҳрҳои Душанбе ва Ҳисор сурат мегиранд.

8-уми феврал маросими қуръакашии Ҷоми ФФТ-2021 баргузор гардид. Дар марҳилаи финалӣ, ки аз 11 то 20-уми феврал доир мешавад, 8 даста ширкат хоҳанд кард.

Дар гурӯҳи “А” дастаҳои КМВА (Душанбе), “Равшан” (Кӯлоб), “Мастчоҳ” (Мастчоҳ) ва “Истиқлол” (Душанбе) бо ҳам бозӣ мекунанд. Ба гурӯҳи “Б” дастаҳои “Эсхата-2” (Хуҷанд), “Барқчӣ” (Ҳисор), “Хатлон” (Бохтар) ва “Регар-ТадАЗ” (Турсунзода) ворид шуданд.

Дар асоси низомномаи мусобиқа, дар натиҷаи марҳилаи гурӯҳӣ аз ҳар гурӯҳ дудастаӣ ба нимфинал роҳхат мегиранд. Қисмати финалии Ҷоми ФФТ-2021 20 феврал ба нақша гирифта шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.

Аз истирдоди як тоҷик ба Душанбе пешгирӣ шуд

28-уми майи соли ҷорӣ аз истирдоди паноҳҷӯи тоҷик Сорбон Абдураҳимзодаи 30-сола аз Варшава ба Душанбе пешгирӣ шуд.