5.9 C
Dushanbe

Гирдиҳамоии эътирозии тоҷикон дар Лаҳистон

Субҳи имрӯз гурӯҳе аз тоҷикони муқими Лаҳистон дар рӯбарӯи бинои Иттиҳоди Аврупо дар пойтахти ин кишвар шаҳри Варшава гирдиҳамоии эътирозӣ баргузор карданд.

1-уми декабр дар шаҳри Варшава, назди бинои Иттиҳоди Аврупо ҷамъе аз фаъолони тоҷик гирди ҳам омада, барои ҳимоят аз мардуми Бадахшон ва талаби озодии зиндониёни сиёсӣ эътироз карданд.

Дар ин гирдиҳамоии эътирозӣ намояндагони созмонҳои гуногун, аз ҷумла Паймони милли Тоҷикистон, Кумитаи наҷоти гаравгонҳо ва зиндониёни сиёсии Тоҷикистон, ҲНИТ ва дигарон ширкат карданд.

Эътирозгарон аз ҳукумати Тоҷикистон хостанд, ки ба ваъдаҳои худ дар баробари мардуми Бадахшон вафо кунад. Гуфта мешавад, ҳукумат барои пароканда кардани мардум аз майдони марказии шаҳри Хоруғ ваъда дода буд, ки дар ин минтақа интернет ва алоқаи мобилиро барқарор мекунад, вале бо гузашти чанд рӯз то ҳол интернет ва алоқаи мобилӣ барқарор нашудааст.

Ҳамзамон ҷамъомадагон дар назди бинои Иттиҳоди Аврупо аз ҳукумати кишвар талаб карданд, ки зиндониёни сиёсиро раҳо кунад, ба хусус аз вазъияти мубҳами Маҳмадалӣ Ҳаит, муовини зиндонии раиси ҲНИТ ва Зубайдуллоҳи Розиқ, Раҳматуллоҳи Раҷаб ва дигарон ба наздикон ва расонаҳо гузоирш бидиҳад.

Дар охири ин гирдиҳамоӣ, эътирозгарон номаҳои эътирозии худро ба намояндаи Иттиҳоди Аврупо дар Лаҳистон супориданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.