24.9 C
Dushanbe

Гранти нав ба Тоҷикистон. Пулҳо дар куҷо масраф мешаванд?

Сурат: pt.slideshare.net

Тоҷикистон барои амалисозии Лоиҳаи беҳбуди хизматрасонии тиббӣ 12 млн доллар гранти иловагӣ аз Бонки байналмилалии Таҷдид ва Рушд маблағ мегирад.

Бино ба иттилои “Азия-Плюс”, созишнома дар бораи пешниҳоди гранти иловагӣ аз ҷониби вазири молияи Тоҷикистон Файзиддин Қаҳҳорзода ва намояндаи доимии Бонки ҷаҳонӣ Ян-Петер Олтерс ба имзо расидааст.

Вазорати молияи ҷумҳурӣ хабар додааст, ки маблағи иловагии пешниҳодгардида барои Лоиҳаи беҳбуди хизматрасонии тиббӣ 12,0 млн доллари амрикоӣ мебошад, ки 10,0 млн доллари он аз ҳисоби гранти Ассотсиатсияи Байналмилалии Рушд ва 2,0 млн доллари дигар аз ҳисоби гранти Фонди эътимодии бисёрҷониба барои ҳамгироии барномаи тандурустии маблағгузории беруна (GAVI) ҷудо карда мешавад.

Гуфта мешавад, ки “Ҳадафи амалисозии Лоиҳа ин мусоидат ба беҳтар намудани фарогирӣ ва сифати хизматрасониҳои асосии кумаки аввалияи тиббию санитарӣ дар ноҳияҳои фарогири Лоиҳа мебошад”.

Ҳамчунин зикр гардидааст, ки маблағгузории дуввуми иловагӣ барои нигоҳдории 37 муассисаи тиббии сохташуда, таъмир намудани муассисаҳои шабакаи кумаки аввалияи тиббию санитарӣ дар ноҳияҳои нави таҷрибавӣ, харидории таҷҳизоти тиббӣ барои муассисахо, таъмири зиёда аз 100 маркази саломатии деҳот, пешбинӣ гардидааст.

Маблағи умумии Лоиха 45,0 млн доллари амрикоиро ташкил медиҳад ва қисми асосии он ба инфрасохтори тиббӣ ва ҳалли мушкилоти муассисаҳои кумаки аввалияи тиббию санитарӣ равона гардидааст.

Ин лоиҳа аз соли 2014 оғоз гардида то соли 2022 идома меёбад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.