24.9 C
Dushanbe

Мулоқоти Муовини вазири корҳои хориҷии Тоҷикистон бо Сафири Қирғизистон

Сурат: mfa.tj

Рӯзи 26 октябри соли равон муовини вазири корҳои хориҷии Тоҷикистон Музаффар Ҳусейнзода бо сафири Қирғизистон дар Тоҷикистон дидору гуфтӯ намудааст. Дар ин бора Вазорати корҳои хориҷии Тоҷикистон имрӯз 28 октябр хабар дод.

Гуфта мешавад, муовини вазири корҳои хориҷа бо сафири Қирғизистон масъалаҳои гуногун оиди ҳамкории дуҷонибаро баррасӣ кардаанд. Дар мулоқот мавзӯи ҳалли масоили марзӣ байни ин ду кишвар дар меҳвари гуфтугӯ қарор гирифтааст.

Бино ба иттилои Вазорати хориҷии Тоҷикистон сафири Қирғизистон аз ба эътидол даромадани авзоъи сиёсии кишвараш хабар додааст.

Ин гуфтугӯ дар ҳоле сурат гирифт, ки рӯзи 25 октябр низои ҷадиде дар марзи Тоҷикистону Қирғизистон ба вуқуъ пайваст. Гуфта мешуд, ки сокинони деҳаи Хоҷа Аълои шаҳри Исфара мехостаанд лулаи оби ошомиданиро, ки аз замони шӯравӣ истифода мешуд, дар мавзеи Мулломалик таъмир кунанд, вале марзбонони қирғиз ба ҳаво тир кушода, монеи корашон шудаанд.

Гуфта мешавад мақомоти марзбонии ду кишвар фавран ба ҷои ҳодиса рафтанд. Хабаргузории ҳукуматии “Ховар”, аз қавли мақомоти марзбонии Тоҷикистон хабар додааст, ки 25-30 нафар сарҳадбонони қирғиз аз сокинон талаби кардаанд, ки корро дар ин мавзеъ қатъ кунанд.

Сокинони ду кишвар умед доранд, дар чунин гуфтугӯҳо мушкилоти марзӣ хотима дода мешавад, вале бо вуҷуди борҳо мулоқот намудани намояндагони ин ду кишвар ва ҳатто вохӯрии президентҳо ҳам натавонист муноқишаҳои сари минтақаҳои баҳсбарангезро камтар кунад. Тоҷикистон ва Қирғизистон бо ҳам 976 километр марз доранд, ки то кунун 504 километри он муайян ва аломатгузорӣ шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Танишҳои дипломатӣ байни Русия ва Озарбойҷон

Дар пайи боздошти даҳҳо озарбойҷонӣ дар шаҳри Екатеринбург, байни Федератсияи Русия ва Ҷумҳурии Озарбойҷон танишҳои шадиди дипломатӣ ба миён омадааст.

130 млн доллари Арабистони Саудӣ ба Тоҷикистон

Раисҷумҳури худкомаи Тоҷикистон Эмомалӣ Раҳмон бо раиси Фонди Рушди Арабистони Саудӣ Султон Абдурраҳмон ал-Маршад мулоқот кардааст.

Ихроҷи густардаи афғонҳо аз Эрон

Мақомоти эронӣ пас аз ҷанги 12-рӯза бо Исроил ихроҷи густардаи муҳоҷирони афғонистониро рӯи даст гирифтаанд.

Ҳушдор! Ба Белорус сафар накунед!

Он муҳоҷирони тоҷикистоние, ки аз Русия бо сабабҳое ихроҷ ва мамнуъулвуруд шудаанд, ба Белорус ҳам сафар карда наметавонанд.