30.9 C
Dushanbe

Гуфтушунидҳо байни Тоҷикистону Қирғизистон оиди таъйини марзҳо доир мешавад

Гуфтушунидҳо байни Тоҷикистону Қирғизистон дар масъалаи марз, ки чанд соли ахир яке аз мушкилоти асосӣ ва ҳалношудаи ин давлатҳост, доир мешавад. Нишасти навбатии комиссияи муштараки байниҳукуматии Тоҷикистону Қирғизистон оид ба баррасии масъалаи марзӣ бо ташаббуси ҷониби Тоҷикистон дар шаҳри Хуҷанд гузаронида мешавад.

Бино ба иттилои хабаргузории “Азия-Плюс” як манбаъ аз дастгоҳи ҳукумати вилояти Суғд хабар дода, ки ҳамраисони комиссияи мазкур муовинони сарвазирони Тоҷикистону Қирғизистон Азим Иброҳим ва Акрам Мадумаров мебошанд.

Ин хабаргузори бо такя ба манбаи худ мегӯяд, ки рӯзи 24 августи соли равон Муовини сарвазири Ҷумҳурии Тоҷикистон Азим Иброҳим бо ҳамтои қирғизии худ Акрам Мадумаров телефонӣ гуфтугӯ карданд.

Намояндагони баландпояи ин ду кишвари ҳамсоя зимни гуфтугӯ оиди муносибатҳои дуҷонибаи кишварҳо, аз ҷумла масъалаи таъйин ва аломатгузориимарзи давлатиро бо ҳам баррасӣ карданд.

“Дар мулоқот муҳимияти доимо баргузор намудани корҳои фаҳмондадиҳӣ байни аҳолии минтақаи наздисарҳадӣ то пурра расмияти қонунӣ гирифтани хати сарҳад бар асоси муқаррароти созишномаҳои имзошуда ва санадҳои комиссияи байниҳукуматӣ таъкид шуд”, – омадааст дар хабар.

Байни Тоҷикистон ва Қирғизистон 976 километр марзи муштарак вуҷуд дорад, ки аз ин шумор танҳо 504 километри он таъйин ва аломатгузорӣ шудааст. Боқӣ 472 километри дигари марзи давлатии миёни ду кишвар аломатгузорӣ нашуда номуайян боқӣ мондааст. Танишҳо байни сокинони минтақаҳои наздисарҳадии ин ду кишвар солҳост, ки идома дорад ва ин муноқишаҳо дар нуктаҳои номуайянии марзҳо сар мезанад, ки то ҳол даҳҳо захмӣ ва кушта аз ду ҷониб ба ҷо гузоштааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Дар Қирғизистон аз як кӯдето пешгирӣ шудаст

Кумидаи давлатии амнияти миллии Қирғизистон 5-уми июн аз боздошти гурӯҳе хабар дод, ки ба гуфти ин ниҳод, қасди кудето кардан дар ин кишварро доштаанд.

Даргирӣ байни нерӯҳио Ҷабҳаи муқовимати миллии Афғонистон ва Толибон

Ҷабҳаи муқовимати миллии Афғонистон, ки раҳбарии онро Аҳмад Масъуд, фарзанди Аҳмадшоҳ Масъуд бар уҳда дорад, аз як ҳамлаи худ дар вилояти Тахори Афғонистон хабар дод.

Мулоқоти Эмомалӣ Раҳмон бо Содир Ҷаббор дар Қирғизистон

Президенти Тоҷикистон, Эмомалӣ Раҳмон, ки бо сафари корӣ дар Қирғизистон қарор дорад, бо президенти ин кишвар Содир Ҷабборов дар шаҳри Чолпон-Ата бо ҳам мулоқот карданд.

Дар нишасти “Осиёи Марказӣ-Иттиҳоди Аврупо” аз ҳуқуқи башар гуфта мешавад?

Додситонии куллии Тоҷикистон 2-уми июни соли ҷорӣ бо ирсоли номаи фаврӣ ба ҳамтои русаш, хостори таҳқиқи боздоштҳо ва рафтори мақомоти ҳифзи ҳуқуқи ин кишвар нисбати муҳоҷирон шудааст.