Бар асари тирандозӣ дар калисое дар шаҳри Ҳомбурги Олмон дасти кам 15 нафар кушта ва захмӣ шудааст.
Бино ба иттилои расонаҳо, шоми 9-уми марти соли ҷорӣ дар Калисое дар шаҳри Ҳомбурги Олмон ҳамлаи мусаллаҳонае сурат гирифт, ки дар натиҷаи он дасти кам 7 нафар аз ҳозирин кушта ва 8 каси дигар ҳам захмӣ шудааст.
Полиси Олмон гуфтааст, ки пас аз дарёфти паём кормандони ниҳодҳои интизомӣ ва амниятӣ дарҳол ба ҷои ҳодиса фиристода шудаанд ва диданд чанд нафар кушта ва захмӣ заминигир шудаанд.
Ба қавли полис, омилони ин ҳодисаҳо, ки рӯзномаи Билди Олмон онро ба "ҳаммоми хунин" ташбеҳ додааст, ба эҳтимоли зиёд дар ҷои ҳодиса кушта шудаанд. Полис то ҳол ҳуввияти омилон ва ангезаҳои ин ҳодисаро шарҳ надодаанд.
Гуфта мешавад, ин бори аввал нест, ки калисоҳо дар кишварҳои ғарбӣ ва бахусус Олмон мавриди ҳамла қарор мегиранд. Пеш аз ин ҳам дар шаҳри Берлин калисое мавриди мавриди ҳамла қарор гирифта буд, ки дар натиҷа 12 нафар кушта ва чанди каси дигар захмӣ гардида буданд.
