32.9 C
Dushanbe

Ҳушдори Русия ба Созмони Миллали Муттаҳид

Русия дар Шӯрои амнияти Созмони Миллали Муттаҳид гуфтааст, ки тамоми силлоҳҳое, ки дар ҷанги Укриана истифода мекунад, истеҳсоли худаш аст ва ба Эрон ҳеч рабте надоранд.

Бино ба иттилои ББС, шоми дирӯз, 19-уми октябри соли 2022, Дмитрий Полянский, муовини сафири Русия дар Созмони Миллали Муттаҳид (СММ) дар як ҷаласае дар Шӯрои амният гуфтааст, “тамоми силоҳҳое, ки дар ҷанги Украина истифода мешаванд, сохти Русия мебошанд ва “иттиҳомоти беасос ва назарияи тавтеа” дар мавриди даёфти кумаки таслиҳотӣ аз Эронро маҳкум кардааст.

Ба қавли манбаъ, муовини сафири Русия дар он ҷаласаи Шӯрои амният ба Дабири кулли СММ Антонио Гутерриш ва кормандони ин созмон гуфтааст, “аз ҳар гуна таҳқиқи ғайриқонунӣ (дар бораи истифодаи ҳавопаймоҳои бесарнишини Эрон дар Украина) худдорӣ кунанд” ва ҳушдор дода, ки “дар акси ҳол, мо бояд ҳамкориҳои худ бо онҳоро аз нав мавриди бозбинӣ қарор диҳем, ки он ба фоидаи касе нест.”

Гуфта мешавад, аз оғози ҳамлаҳои Русия ба Укриана ва шуълавар шудани ҷанг дар паҳнои ин кишвар наздик ба ҳашт моҳ мегузарад, вале дар ин чанд рӯзи ахир истифода аз паҳподҳои эронӣ, зарарҳои онҳо ва инчунин сарнагун кардани даҳҳо адад аз ин паҳподҳо ба яке аз мавзуъҳои асосӣ байни қудратҳои ҷаҳонӣ, ки аксар мухолифи идомаи ҷанг дар Украина ҳастанд, табдил ёфтааст.

Аз сӯи дигар Эрон расман мегӯяд, ки барои истифода дар ин ҷанг ба Русия ҳеч гуна таслиҳоти низомӣ нафурӯхтааст ва омодааст, ки дар ин хусус бо мақомоти украинӣ музокира кунад. Аммо мақомоти Укриана бо раҳбарии Владимир Зеленский таъкид мекунанд, ки Теҳрон ҳудуди 2400 паҳподҳои ҷангӣ ва мушкаҳои мухталиф ба Маскав фурӯхтааст.

Ба ҳамин хотир Владимир Зеленский аз муттаҳидони Киев хостааст, ки алайҳи Теҳрон фишор оварданд. Олмону Фаронса ва Бритония ҳам ин даъвати Киевро пазируфта Эронро ба нақзи муқаррароти қонунҳои байналмилалӣ ва тавофуқоти ҳосилшуда дар БАРҶОМ муттаҳам мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.