31.9 C
Dushanbe

Иттиҳоди Аврупо 40 ҳазор паноҳҷӯи Афғонистонро мепазирад

Кумиссари умури дохилии Иттиҳоди Аврупо эълом кардааст, ки 15 кишвари узви ин иттиҳодия барои пазириши ҳудуди 40 ҳазор паноҳҷӯи Афғонистон эъломи омодагӣ кардаанд.

Ба навиштаи “DW“, Олмон гуфтааст, ки дар солҳои 2021-2022 омодааст, ки аз ҷамъи ин 40 ҳазор паноҳҷӯи Афғонистон 25 ҳазор нафари онҳоро бипазирад.

Гуфтанист, пас аз суқути ҳукумати пешини Афғонистон ва фирори Ашраф Ғанӣ, раиси ҷумҳури фирории ин кишвар дар 15-уми августи соли ҷорӣ ва хурӯҷи нерӯҳои НАТО кишварҳои узви Иттиҳоди Аврупо ҳудуди 28 ҳазор нафар аз ҳамкорони афғон ва хонаводаҳои онҳоро ба ҳайси паноҳҷӯ аз Афғонистон хориҷ карда буданд.

Аммо бо гузашти наздик ба чор моҳ аз сари қудрат омадани Толибон дар Афғонистон ва бад шудани авзоъи иқтисодӣ дар ин мамлакат кишварҳои узви НАТО пайваста талош доранд, ки собиқ ҳамкорон ва касоне, ки бо созмонҳои зери ҳимояи онҳо ҳамкорӣ доштанд, хориҷ кунанд. Иқдоме, ки аз сӯи хеле мухолифон ва мувофиқони Толибон борҳо маҳкум шуда, кившарҳои узви НАТО-ро ба қочоқи мағзҳо аз Афғонистон муттаҳам кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.