28.9 C
Dushanbe

Як ҷавони тоҷик дар Абхозистон ба ҳукми абад маҳкум шуд

Дар Абхозистон як зодаи 22-солаи Тоҷикистон бо иттиҳоми фурӯши маводи мухаддир маҳкум ба ҳукми абад шуд. Дар ин бора дафтари матбуоти Додситонии кулли Абхозистон хабар додааст.

Дар хабари Додситонӣ гуфта мешавад, ки Додгоҳи шаҳри Сухум 3-уми ноябри соли 2022 зодаи Тоҷикистон ва шаҳрванди Русия Буриев Собирхон Сайдуллоевичро дар “ҷиноят ба зидди саломатии мардум ва маънавиёти ҷомеа”, дар фурӯши 50,1 грамм маводи мухаддири навъи “мефедрон” гунаҳкор дониста, ба ҳукми абад бо мусодираи молу мулк маҳкум кард.

Гуфта мешавад, Собирхон барои анҷоми ин корҳояш махфигоҳ доштааст, ки сетои онро дар ҳудуди Донишгоҳи давлатии Абхозистон сохтааст.

Додситонӣ мегӯяд, ки Бӯриев дар мурофиаи додгоҳӣ иттиҳомоти бар зиддаш эълоншударо эътироф накардааст, аммо дар рафти тафтиши пешакӣ бо тафтишот фаъолона ҳамкорӣ дошта, ҷойҳои махфигоҳҳои маводи мухаддирашро нишон додааст.

Бӯриев Собирхон ва вакили дифоаш ҳақ доранд дар муддати 15 рӯз ба коллегияи парвандаҳои ҷиноятии Додгоҳи олии Абхозистон шикоят баранд.

Бӯриев Собирхон мутавалиди 22-уми апрели соли 2000 буда, маълум нест аз кадом минтақаи Тоҷикистон аст. Назари пайвандону наздиконаш низ дар бораи ҳукми сангини додгоҳ дастраси расонаҳо нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.