Бино ба хабараҳои расида, як ҷавони 23 солаи муҳоҷири тоҷик дар вилояти Ленингради Русия дар дохили мошини “Ёрии таъҷилӣ” ҷон додааст.
Пойгоҳи хабарии “47news” аз қавли Пулиси Всеволожский навиштааст, ки шаби 10 сенябр дар гулгашти Воронтсов, хиёбони Ручёвский як ҷавони тоҷик дар дохили мошини “Ёрии таъҷилӣ” ҷон додааст.
Ба гуфтаи Полис дар тани ҷавон танҳо як либоси таг будааст ва дар панҷаҳои дастони ӯ аломатҳои осебу ҷароҳат аз нирӯи барқ дида шудааст. Табибон гуфтаанд, ки ин ҷавонро ба назди мошини “Ёрии таъҷилӣ” рафиқонаш оварданд ва хабар доданд, ки ӯро нирӯи барқ задааст. Шуъбаи тафтишоти ноҳияи Всеволожскийи вилояти Ленингради Русия ба таҳқиқи қазияи шурӯъ кардааст.
То ҳол дар бораи ҳувияти ин ҷавони марҳум ва аз кадом минтақаи Тоҷикистон буданаш чизе гуфта нашудааст. Ба гуфтаи Пулиси Всеволожский таҳқиқот дар бораи маълум карданаи ҳувияташ идома дорад.
