31.9 C
Dushanbe

Як микроавтобуси ҳомили муҳоҷирон дар Русия чаппа шуд

Дар вилояти Волгогради Русия микроавтобуси “Газел”, ки муҳоҷирони кориро мебурд, дар як тасодуф чаппа шуд. Дар натиҷаи тасодуфи микроавтобус дар вилояти Волгоград 13 нафар маҷрӯҳ шуданд. Дар ин бора вебсайти Сарраёсати ВКД-и Русия дар ин минтақа хабар дод.

Дар хабари ВКД-и Русия гуфта мешавад, дар дохили “Газел” 14 мусофир буданд, ки ба сӯи ҷои корашон мерафтанд, вале онҳо бо худ ҳуҷҷат надоштанд. Дар ҳоли ҳозир вазъи ду нафари онҳо вазнин арзёбӣ мешавад.

Дар ҳамин ҳол Кумитаи тандурустии вилояти Волгоград қайд кард, ки пас аз садама даҳ мард ва ду зан бо ҷароҳатҳои гуногун, аз ҷумла захмҳо дар сар, шикасти сутунмӯҳра ва осеби шикам дар беморхона бистарӣ шуданд.

Хабаргузории “Интерфакс” бо такя ба Раёсати умури муҳоҷирати Русия менависад, ки муҳоҷирони дохили “Газел” шаҳрвандони Узбекистон буданд ва ҳамаи онҳо асноди заруриро бо худ доштанду қонунӣ кор мекарданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.