32.9 C
Dushanbe

Як шаҳрванди Тоҷикистон дар Русия ҳамшаҳрии худро бо корд ба ҳалокат расондааст

Як шаҳрванди Тоҷикистон бо номи Раҳимзода К. ки дар Русия барои кор рафта будааст, бо сокини шаҳри Конибодоми вилояти Суғд Саидов Толибҷони 22-сола муноқиша намуда дар натиҷа дуюмиро бо корд зада ба ҳалокат расондааст. Додгоҳи шаҳри Нижневартовск Раҳмизода К-ро барои 7 сол равонаи зиндон кард. Дар ин бора Прокуратураи генералии Тоҷикистон хабар дод.

Дар шарҳи қазия гуфта мешавад, ки баъд аз фаҳмидани аломатҳои марги маҷбурӣ дар ҷасади Саидов Т. Прократураи генералии Тоҷикистон барои таҳқиқи ин ҷиноят ва ба ҷавобгарии ҷиноятӣ кашидани гунаҳкорон ба Прокуратураи генералии Федератсияи Россия дархост ирсол кард.

Дар натиҷаи баъд аз тафтиш Прокуратураи генералии Русия ҷинояткорро пайдо намуда аз рӯи ин ҳодиса бо қисми 1 моддаи 105 Кодекси ҷиноятии Федератсияи Россия (куштор), нисбати гумонбар Раҳимзода К. парвандаи ҷиноятӣ оғоз кард.

“Дар ҷараёни тафтишот муайян карда шуд, ки Раҳимзода К. дар натиҷаи муноқишаи ба вуҷудомада, дидаю дониста бо корд ба шиками Саидов Т.О. як зарба задааст, ки охирон зарари ҷиддӣ ба саломатӣ бардошта, дар ҷойи ҳодиса вафот кардааст.

Бо ҳукми суди шаҳри Нижневартовск ХМАО-Югра аз 05 феврали соли 2021 Раҳимзода К. дар содир кардани ин ҷиноят гунаҳгор дониста шуда, ба муҳлати 7 сол маҳрум сохтан аз озодӣ бо нигоҳ доштан дар колонияи ислоҳии низомаш сахт маҳкум карда шудааст. Бо ҳамин ҳукм даъвои гражданӣ ҷабрдида Саидова Г. оиди рӯёнидани зарари маъанавӣ ба маблаги 800 000 рубл қонеъ карда шудааст.”

Хабарро таблиғ кунед:

БЕШТАР БИХОНЕД
БЕШТАР БИХОНЕД

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.