27.9 C
Dushanbe

Як ширкати филмсозӣ ҳаёти Манижа Сангинро рӯи навор меорад

Ширкати синамои “1-2-3 Production” ба таҳияи як қатор филмҳои мустанад оғоз хоҳад кард.

Дар байни лоиҳаҳо – ҳикояҳо дар бораи навозандагон Манижа ва Басте, ҳикояҳо дар бораи занон, ятимон ва муҳоҷирон мебошанд, ки ба навор гирифта хоҳанд шуд. Дар ин бора ба хабаргузории ТАСС имрӯз 12 март аз Хадамоти матбуотии ин ширкати филмсозӣ иттилоъ доданд.

“1-2-3 Production ба бозори филмҳои мустанад ва сериалҳо ворид шуда, якбора оғоз шудани нӯҳ лоиҳаи ҳуҷҷатиро эълон мекунад: ду филм ва ҳафт сериал”, – гуфтанд аз Хадамоти матбуот.

Мудири лоиҳа Наталя Билан мегӯяд, кори силсилафилми “Ҳаёти дигарон” – дар бораи сарнавишти занҳоест, ки тасмим гирифтаанд ҳаёташонро дигаргун созанд, рӯи навор меояд. Ӯ мегӯяд, қаҳрамони лоиҳаи ӯ овозхони тоҷик Манижа Сангин мебошад, ки имсол Русияро дар озмуни “Eurovision” намояндагӣ мекунад.

Ширкати “1-2-3 Production” соли 2018 аз ҷониби таҳиякунандагони филмҳо Валерий Федорович ва Евгений Никишов таъсис гардида аст. Дар соли 2019 онҳо ба ҷоизаи асосии “TEFI” Русия ҳамчун беҳтарин таҳиякунандагони телевизионии сол сарфароз шуданд.

Ҳафтаи гузашта тариқи як озмуни овоздӣ дар як намоиши махсуси идона аз ҷониби тамошобинон тоҷикдухтар Манижа Сангин ҳамчун иштирокчии Евровидение баранда эълон шуд. Акнун Манижа Сангин Русияро бо таронаи “Russian woman” дар Евровидение-2021, ки рӯзҳои 18-22 май дар шаҳри Роттердами Нидерландия баргузор мешавад ва дар он сарояндагон аз 41 кишвар ширкат менамоянд, намояндагӣ хоҳад кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.

Мулоқоти Эмомалӣ бо Дабири кулли СММ

Раисҷумҳури Тоҷикистон Эмомалӣ Раҳмон дар Ню-Йорк бо Дабири кулли Созмони Милали Муттаҳид Антониу Гутерриш мулоқот кард.

Озодии 10 зиндонӣ бо пардохти 6 миллиард доллар

10 нафар аз зиндониёни эронӣ ва амрикоӣ бо "пардохт"-и 6 миллиард доллар озод шуданд.

Зеленский ҷаҳонро аз оғози ҷанги ҷаҳонии сеюм ҳушдор дод

Владимир Зеленский, раисҷумҳури Украина 17-уми сентябр дар мусоҳибае бо...