14.9 C
Dushanbe

Яке аз сабабҳои коҳиши муҳоҷирон дар Русия гаронии нархи билетҳо будааст

Сурат: ozodlik.org

Бино ба иттилои нашрияи “Взгляд” бо сабаби нархи гарони чиптаҳои ҳавомаймоӣ ва интишори вируси ҳамагири COVID-19 муҳоҷирони кории Узбекистон натавонистанд дубора ба Русия баргарданд.

Нархи баланди чиптаҳои ширкатҳои ҳавопаймоӣ ва пандемияи коронавирус муҳоҷирони узбекро аз рафтан ба Русия барои кор бозмедорад,- гуфт раиси Кунгураи умумирусиягии Узбекистон, Иброҳим Худайбердиев.

Ӯ ба хабаргузории “РИА Новости” афзуд: “Сабаби аслии коҳиши шумораи муҳоҷирон дар Русия пандемия аст, дуюм ин ки бисёр соҳаҳое, ки дар онҳо муҳоҷирон ҷалб шудаанд, фаъолияташон қатъ шудааст. Ин албатта ба фиристодани пул ба хонаҳояшон таъсир расонд ва бисёре аз муҳоҷирон рафтанд.”

Худайбердиев дар идома иброз дошт, ки барои дубора ба Русия омадани муҳоҷирон нархи гарони чиптаҳо мушкилӣ эҷод кардааст. Ба гуфтаи ӯ айни замон шумораи муҳоҷирон аз Узбекистон, ки дар минтақаҳои Русия ба сохмон машғуланд, хеле коҳиш ёфтааст.

Ӯ мегӯяд, мақомоти Узбекистон барои поин овардани нархҳо чораҳо меандешанд ва мақомоти Русия низ барои сабук кардани тартиби вуруди муҳоҷирон талош доранд, аммо ин вазъияти кунунӣ эҳтимол то баҳор идома хоҳад кард.

Ин ҳам дар ҳолест, ки раисҷумҳури Узбекистон Шавкат Мирзиёев бо чунин нархи гарон яъне 21-22 ҳазор рубл ширкатҳои ҳавопаймоии миллияшонро сахт танқид карда, зимни як ҷаласа бахшида ба рушди саёҳии ин кишвар дастур додааст, ки билетҳоро арзон кунанд.

Вай инчунин афзуд, ки шумораи муҳоҷирон аз Узбакистон, ки дар шаҳрҳои Русия ба кори сохтмон машғуланд, хеле коҳиш ёфтааст.

Қаблан шаҳрдори Маскав Сергей Собянин гуфта буд, ки дар Маскав ба далели коҳиш ёфтани шумораи муҳоҷирон дар соли 2020 коргар дар бахши Хадамоти шаҳрӣ намерасанд. Ва инчунин хабар дода буд, ки норасоии муҳоҷирон метавонад дар Маскав мушкилоти ҷиддиеро ба бор орад.

Ҳамзамон баъд аз шуюъи вируси ҳамагири COVID-19 парвозҳо байни Тоҷикистону Русия низ мувақатан қатъ шуданд. Барои баргардонидани муҳоҷирон парвозҳои чартерӣ ташкил карда шуд, вале бо нархи гаронтар аз Узбекистон.

Ҳоло як муҳоҷири тоҷикистонӣ барои ба ватан баргаштан бо ширкати “Сомон Эйр” аз 40 то 45 ҳазор рубли русӣ ва ё бештар аз ин масраф мекунад, аммо аз хидматрасониҳои пастсифати ин ширкат шикоятҳои зиёд шунида мешавад. Шаҳрвандони Тоҷикистон аз Ҳукумат барои арзон кардани нархи чиптаҳо пайваста дархост мекунанд. Вале ширкати “Сомон-Эйр” мегӯяд, пойн бурдани нарх хароҷоти онҳоро намепӯшонад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.