Якуми феврал Рӯзи байналмиллалии ҳиҷоб аст

Имсол бори 8-ум аст, ки рӯзи 1-уми феврал дар саросари дунё ҳамчун Рӯзи байналмиллалии ҳиҷоб шинохта шуда ва таҷлил мешавад.

Бино ба иттилои расонаҳо, шуруъ аз соли 2013 ҳамасола якуми феврал Рӯзи ҷаҳонии ҳиҷоб дар 140 кишвари дунё таҷлил мешавад.

Ҳиҷоб-ин навъи сарпӯши занонаест, ки дар фарҳанги мусулмонон роиҷ ва фарз хонда мешавад.

Рӯзи ҷаҳонии ҳиҷобро як зани мусалмони банглодештабори Амрикоӣ бо номи Назмахан ба хотири рафъи таваҳҳумоти ғалат дар бораи ҳиҷоби мусалмонӣ ва шинохти бештар аз он ва дур аз тафсилоти аҳкоми шаръӣ роҳандозӣ кард.

Рӯзи ҳиҷоб ҷашни навест, ки барои дур сохтани исломҳаросӣ дар Амрико ва кишварҳои ғарбӣ роҳандозӣ шуд, ки сол то сол дар ҷаҳон шӯҳрати бештар касб мекунад.

Дар Тоҷикистон мақомдорон сатру ҳиҷобро либоси ба фарҳанги миллӣ бегона тавсиф мекунанд. Аз соли 2014 ба ин сӯ ин мавзӯъ дар ҷомеаи Тоҷикистон хеле гарм аст.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.