Раиси Кумитаи давлатии амнияти миллии Тоҷикистон Саймумин Ятимов бо мошинҳои тиббии муҷаҳҳаз барои кумаки аввалия ба Хоруғ меравад.
Бино ба итттои манобеи Pamir Daily News аз ВМКБ, сафари Ятимов ба Хоруғ бояд дар 48 соати наздик сурат бигирад.
Инчунин гуфта мешавад, ки имрӯз 12-уми январ як мошини тиббӣ бо зарфҳои хун ва дору ба маҳалли ҷойгиршавии отряди марзбонии Кумитаи давлатии амнияти миллии Тоҷикистон дар Хоруғ меояд.
Аммо як манбаъ аз ВМКБ ба АЗДО ТВ гуфт, ки Саймумимин Ятимов дар ҳоли ҳозир дар Хоруғ қарор дорад ва як мошин не, балки ду мошини пизишкӣ бо зарфҳои хун ва дору ба маҳалли ҷойгиршавии отряди марзбонии Кумитаи давлатии амнияти миллии Тоҷикистон дар Хоруғ аллакай омадаанд.
Манбаи АЗДО ТВ мегӯяд, ки ҳузури Ятимов ва овардани мошинҳои пизишкӣ бо дору ва зарфҳои хун ба Хоруғ, ба амалиёти низомие, ки дар Хоруғ ба нақша гирифта шудааст, ки пештар коршиносони дохиливу хориҷӣ аз он гуфта буданд, рабт дорад.
Бо пайдо шудани маълумоти нав хабар такмил мешавад…
