Умумӣ

Иброҳим Раисӣ даъвати Эмомалӣ Раҳмонро напазируфт?

Иброҳим Раисӣ, президенти Эрон дар Шоми дӯстии омода кардаи Эмомалӣ Раҳмон, президенти Тоҷикистон ширкат накард.

Шоми 16-уми сентябр, Эмомалӣ Раҳмон, президенти Тоҷикистон дар арафаи оғози баргузории нишасти Шӯрои сарони кишварҳои узви Созмони ҳамкориҳои Шанхай (СҲШ) дар шаҳри Душанбе меҳмонони олиқадри кишварро ба Шоми дӯстӣ даъват кард.

Агентии миллии иттилоотии Тоҷикистон

Ҳамзамон Хадамоти матбуоти президенти Тоҷикистон дар саҳфаи фейсбукиаш 75 акс аз ин Шоми дӯстӣ ва макони баргузории он дар шаҳри Душанбе нашр кард, вале дар ҳеч куҷое аз аксҳо дида намешавад, ки Иброҳим Раисӣ, президенти Эрон дар онҷо ҳузур дошта бошад.

Ҳамзамон ҷониби Эрон низ то кунун шарҳ на додааст, ки иллати иштирок накардани Иброҳим Раисӣ дар ин Шоми дӯстии омода кардаи мизбони нишасти сарони кишварҳои СҲШ чӣ будааст?

Аммо дар ҳамин ҳол як коршиноси эронӣ гуфт, ки маъмулан раҳбарони Ҷумҳурии исломии Эрон дар нишастҳое, ки дар он шароб тақдим шавад, ширкат намеварзанд.

Президенти Эрон пеш аз ба Тоҷикистон омадан эълон карда буд, ки ин сафар саҳфаи наверо дар муносиботи Эрону Тоҷикистон боз хоҳад кард. Саҳфае, ки муносибатҳои сарди ду кишварро пушти сар гузошта, аз оғози муносибатҳои гамру самимӣ дарак хоҳад дод.

Муносибатҳои Тоҷикистону Эрону пас аз ҳодисаҳои 4-уми сентябри соли 2015 дар Душанбе ва муттаҳам кардани Эрон дар ин қазия ва пуштибониаш аз нерӯҳои мухолифин бахусус Ҳизби наҳзати исломии Тоҷикистон сард шуд, вале тайи ду соли бо вуҷуди иттиҳомоти густурдаи Тоҷикистон алайҳи Эрон дида мешавад, ки ҷонибҳо талош доранд, ки муносибатҳо ва иртиботи худро аз нав тармим ва бозсозӣ кунанд.

amrullokhi
amrullokhi

Хабарро таблиғ кунед:

БЕШТАР БИХОНЕД
БЕШТАР БИХОНЕД

Муҳоҷири корӣ дар рақобат бо роботу AI ва Чин

AZDA.TV -
Агар суол гузошта шавад, ки бузургтарин хавфи иқтисодии Тоҷикистон кадом аст, посух на кам шудани тилло дар конҳост ва на қарзҳои афзояндаи хориҷӣ, балки тағйир ёфтани модели муҳоҷирати корӣ аст.

Ҷалби садҳо миллион доллар грант барои татбиқи чанд лоиҳа дар Тоҷикистон

AZDA-TV -
Мақомоти Тоҷикистон барои амалисозии чандин лоиҳаи бузург аз Бонки ҷаҳонӣ садҳо миллион доллар грант мегирад. 

Боздошти се нафар бо гумони таҷовуз ба номуси як духтари ноболиғ

Azda TV 3 -
Мақомоти корҳои дохилии шаҳри Душанбе рӯзи 7-уми июл аз боздошти се ҷавон бо гумони содир кардани ҷиноятҳои дорои хусусияти шаҳвонӣ нисбат ба як духтари ноболиғ хабар доданд.

21 кушта ва 19 захмӣ: омори нигаронкунандаи садамаҳо дар корхонаҳои саноатии Тоҷикистон

Azda TV 3 -
Дар шаш моҳи аввали соли ҷорӣ бар асари ҳодисаҳои нохуш дар корхонаҳои саноатӣ ва соҳаи кӯҳкории Тоҷикистон 21 нафар ҷон бохта, 19 нафари дигар захмӣ шудааст.