22.9 C
Dushanbe

Табрикоти Елизаветаи II ба Эмомалӣ Раҳмон чанд лаҳза пеш аз маргаш

Хадамоти матбуоти Президенти Тоҷикистон 8-уми сентябри номи шуморе аз президентҳо, созмонҳо ва шахсони сиёсии маъруфро нашр кардааст, ки ба муносибати 31-умин солгарди истиқлоли кишвар ба Эмомалӣ Раҳмон барқияи шодбошӣ фиристодаанд.

Гуфта мешавад, дар номаҳои табрикотӣ раҳбарони давлатҳо ва созмонҳои байналмилалӣ аз дастовардҳои Тоҷикистон тайи солҳои соҳибистиқлолӣ ёдовар шуда, ба рушди устувори иҷтимоию иқтисодӣ ва баланд бардоштани сатҳи зиндагии мардум таъкид кардаанд.

Дар байни номи роҳбарони давлатҳои хориҷӣ ва созмонҳои байналмилаливу минтақавӣ, инчунин сиёсатмадорони маъруфи ҷаҳонӣ номи Елизаветаи II низ зикр шудааст.

Зикри номи маликаи Бритониё ва Ирландияи Шимолӣ Елизаветаи II дар қатори фиристодагони барқияи шобдошӣ ба Эмомалӣ Раҳмон дар ҳолест, ки худи ҳамон рӯз хабари вафоташ дар расонаҳои ҷаҳон нашр шуд.

Гуфта мешад, маликаи Бритониё чанд рӯз пеш аз вафот бемор буд ва хусусан як рӯз пеш аз вафот зери назорати шадиди табибон қарор дошт. Ва субҳи панҷшанбе кохи подшоҳии Бритониё хабар дод, ки “пизишкони малика нигарони саломатии ӯ ҳастанд ва тавсия кардаанд, ки малика таҳти назорати пизишкӣ бимонад.”

Аммо Хадамоти матбуоти Президент 8-уми сентябр, рӯзи вафоти малика Елизаветаи II хабар дод, ки ӯ ба Эмомалӣ Раҳмон ба муносибати 31-умин солгарди Истиқлоли кишвар барқияи шодбошӣ фиристодааст.

Чунин ба назар мерасад, ки малика лаҳзаи дар дами марг қарор доштан табрикоти Эмомалӣ Раҳмонро муҳим дониста, ба ӯ барқияи шодбошӣ фиристодааст.

Чизе, ки ба таври комил воқеӣ будани ин ҳама табрикоти раҳбарони кишварҳо ва созмонҳои байналмилаливу шахсиятҳои пурнуфзуро зери шубҳа қарор медиҳад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.

Боздошти боз як тоҷик дар Русия

Дар шаҳри Твери Русия як гумонбари дигар дар робита ба ҳамлаи террористӣ дар "Крокус Сити Ҳолл"-и Красногорск боздошт шуд.