32.9 C
Dushanbe

Ихроҷи муҳоҷирони ҷангара аз Русия

Вазорати корҳои дохилии Русия муҳоҷиронеро, ки дар задухӯрдҳои оммавӣ ширкат варзида буданд, ихроҷ (депорт) мекунад.

Вазорати умури дохилаи Русия тасмим гирифт, ки вуруди хориҷиён ба Русияро, ки дар задухӯрдҳои оммавӣ дар қаламрави ин кишвар ширкат кардаанд, манъ кунад. Дар ин бора Маркази матбуотии ин вазорат дирӯз 28-июл хабар дод.

“Агар онҳо мустақилона қаламрави Федератсияи Русияро тарк накунанд, барои депортатсияи онҳо чораҳо андешида мешаванд”, – омадааст дар иттилоияи ВКД-и Русия.

Қайд карда мешавад, вақтҳои охир шумораи низоъҳо бо иштироки шаҳрвандони хориҷӣ зиёд шудааст, ки он ба ҳаёт ва амнияти шаҳрвандони Федератсияи Русия таҳдид мекунад. Инчунин ба фаъолияти муқаррарии мақомот ва ба ҳаракати нақлиёт халал мерасонданд.

“Даргириҳо дар як қатор субъектҳои Федератсияи Русия ба қайд гирифта шуданд: дар вилоятҳои Амур, Маскав, Свердловск, Ҷумҳурии Доғистон, инчунин дар Санкт-Петербург”, – омадааст дар иттилоия.

Ёдовар мешавем, ки пештар 12- уми ҳамин моҳ ҳудуди 200 нафар аз муҳоҷирони Осиёи Марказӣ дар Маскав бо ҳам занозанӣ кардаанд, ки сару садоҳои зиёдеро дар расонаҳои русӣ ба бор овард.

Аксари иштирокчиёни он аз ҷониби мақомоти ин кишвар боздошт ва дар намуди ҳабс барои 15 шабонарӯз ба ҷавобгарии маъмурӣ кашида шуданд, ки дар байни онҳо зодагони Тоҷикистон низ гузориш шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.