31.9 C
Dushanbe

Изҳори нигаронии ИМА аз вазъи озодиҳои динӣ дар Тоҷикистон

Комиссияи Иёлоти Муттаҳидаи Амрико дар умури озодии мазҳабии байналмиллалӣ дар гузориши наваш ба Вазорати хориҷаи Амрико тавсия додааст, ки Тоҷикистонро дар рӯйхати кишварҳои нигаронкунанда барои саркӯби озодиҳои динӣ ҳифз кунад.

Дар гузорише, ки рӯзи 10-уми январ нашр шудааст, КИМА дар умури озодии мазҳабии байналмилалӣ аз бадтар шудани озодиҳои динӣ дар Тоҷикистон изҳори нигаронӣ намуда, таъкид кардааст, ки ҳукумати Тоҷикистон тӯли даҳсолаҳост, ки ташкилотҳои диниро ба шиддат контрол ва тобеи режим кардааст. Ин Комиссия дар идома қайд мекунад, ки ҳукумати Тоҷикистон руҳониёни мустақил, мухолифини сиёсӣ ва мунтақидони секулори худро бо иттиҳоми “экстримист” ва “терорист” боздошт ва зиндонӣ мекунад.

Инчунин дар гузориш гуфта мешавад, қудратгирии Толибон дар Афғонистон метавонад баҳонае шавад барои мақомоти Тоҷикистон то ба саркӯби озодиҳои динӣ идома диҳад.

Гузоришгари вижаи Созмони Миллали Муттаҳид дар умури озодиҳои динӣ сафари барномарезӣ шудааш ба Тоҷикитонро ба хотири дарёфт накардани даъватномаи расмӣ аз тарафи Тоҷикистон лағв кард.  

Комиссияи Иёлоти Муттаҳидаи Амрико дар умури озодии мазҳабии байналмилалӣ соли 2021 низ ба Вазорати хориҷаи Амрико тавсия дода буд, ки Тоҷикистонро дар рӯихати кишварҳои саркӯбагари озодиҳои динӣ ворид кунанд.

Тоҷикистон аз соли 2016, баъд аз боздошти раҳбарони Ҳизби Наҳзати Исломии Тоҷикистон ва мамнуъ кардани ин ҳизб вориди листи кишварҳои саркӯбгари озодиҳои динии Амрикост ва аз он вақт то соли 2021 дар ин рӯйхат қарор дорад.

Дар баробари Тоҷикистон аз кишварҳои Осиёи Марказӣ, Туркманистон низ дар ин рӯйхат ҷойгир аст.

Дар гузашта Узбекистон ҳам дар қатори кишварҳои саркӯбгари озодиҳои динии Амрико шомил буд ва баъд аз рӯи кор омадани Шавкат Мирзиёев ва ворид кардани ислоҳоти динӣ дар ин кишвар, Амрико Узбекистонро аз ин рӯйхат берун кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боз беш аз 150 муҳоҷири тоҷик боздошт шуд

Нерӯҳои интизомии Федератсияи Русия субҳи рӯзи 30-уми майи соли ҷорӣ беш аз 150 муҳоҷири тоҷикро дар назди метрои Митинои Маскав боздошт карда, ба шуъбаи пулис бурданд.

Афзоиши ҳолатҳои қаллобӣ дар Тоҷикистон

Вазорати корҳои дохилаи Тоҷикистон рӯзи 30-уми майи соли ҷорӣ аз боздошти нафаре хабар дод, ки дар қаллобӣ ва азхудкунии пулҳои мардум бо роҳи фиреб муттаҳам мешавад.

Ҳушдори Белорус ба Ғарб: Хатти сурхро убур накунед!

Як мақомдори баландпояи низомии Белорус пас аз ҷобаҷакунии силоҳҳои ҳастаии Русия дар хоки ин кишвар ба Ғарб ҳушдор дод, ки хатти сурхро убуб накунанд.

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...