Имомуддин Сатторов сафири Тоҷикистон дар Русия дар мусоҳибае бо “РИА Новости” гуфта, ки Тоҷикистон ҳамеша омода аст, ки парвозҳои мунтазамро бо Русия барқарор намояд.
“Мо омодагии худро барои кушодани иртиботи ҳавоӣ моҳи июл изҳор кардем. Мо омодаем, ки ҳар лаҳза бо Федератсияи Русия иртиботи ҳавоиро кушоем”,- изҳор доштааст, сафир.
Дар идома гуфтааст, “То ба ҳол, онҳо вазъи эпидемиологиро дар назар доранд, ки ҳоло номуносиб аст. Фикр мекунам, мо бояд марзро боз кунем, зеро иқтисод бояд кор кунад”.
Сатторов иброз доштааст, ки то ба имрӯз аз ҷониби Русия дар мавриди бозшудани парвозҳои мунтазам ҷавоби мусбат дарёфт накардаанд, то ҳол дархостҳояшон бе посух мондааст.
Айни замон барои бурдани муҳоҷирон байни Тоҷикистону Русия танҳо парвозҳои чартерӣ роҳандозӣ гардидааст, ки ҳамарӯза анҷом дода мешавад. Аммо парвозҳо аз Тоҷикистон ба Русия танҳо шаҳрвандони Русия ва дигар нафароне, ки тибқи қарори Ситоди мубориза бо коронавирус дар Русия муқарар гардидааст, имкони парвоз доранд.
